منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
تواجهت أنا وإياه فـي ليلـة الإثنيـن=على موعـد (ن) يـاليتنـا ما تواجهنـا
ساعه ثم تفرقنا ويا مال فرقـا العيـن=يوم إنّا نوينـا بالفـراق وتسامحنـا
تعبر وجـر الونـة وصفـق الكفيـن=لحظة صمت لاكنهـا تكلـم جوارحنـا
هو أقفى وأنا قفّيت والكل فاله شيـن=هلاكى وحر الشوق واليـاس ذابحنـا
لأن هذا مصير اللي يتولع مع المقفين=درينا عقب ما صابنا الحـب وأفلحنـا
أنا ضايق صدري من العام لاهالحيـن=أصبحنا بغبنك يا أريش العين وأمرحنا
يوم إنّا تبادلنا الغـلا كلنـا مخطيـن=لكن ما درينـا أن النهايـة بتجرحنـا
يا قلب العنا لن طعتني فاترك الحنيـن=ترانـا قبـل يامـا بكينـا وصّيحنـا
نطارد سراب الياس قّدام عشر سنين=نخف المشاعر مير الأشواق تفضحنـا
أنا حالف (ن) ما أنساك لين التحف بالطين=خيالك لو إنـه مـا هجدنـا يصبحنـا
تذكرت خدك لتبين قمـر عشريـن=عسى الله على كثر الخطايا يسامحنا
طوانا العنا عليك يا صافـي الخديـن=طوانا طوي ومبيّنـن فـي ملامحنـا
مثل طوي شن (ن) يابسن والعرب مجزين=لو ما الله مساعدنا وإلا كان قـد رحنـا
أخي الكريم الفاضل الشاعر / مبارك بن مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة والمعبرة ولك لغة شعرية عذبة لا تشبه أحدا إلا أن عليها بصمة خاصة لمبارك مقين والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
غير متصل
تواجهت أنا وإياه فـي ليلـة الإثنيـن
