قصيده للشاعر / باين بن وسمي الزنغوب رثاء في إخوانه
كُتب : [ 22 - 10 - 2009 ]
السلام عليكم ورحمة الله وبركاته
اخواني في هذا الصرح الشامخ يسرني ويشرفني ان انظم اليكم واضع لكم اول مشاركه لي في هذا المنتدى وهي مرثيه لشيخ الشاعر / باين بن وسمي الزنغوب في اخوانه ( سمير الزنغوب وهوشان الزنغوب وخالد الزنغوب ) حيث وافتهم المنيه في اوقات متقاربه رحمهم الله جميعا واسكنهم فسيح جناته.
اخوان بنأ عقـب ماهـم يعـدون***فيهم طعنا الموت طعـن الشبـاري
امشي وقص ادروبهم يوم يمشـون***وعلى منازلهـم نحـط المـواري
هذا محـل ابيوتهـم يـوم يبنـون***وهذا مشب ادلالهم في الصحـاري
يازين شبت نارهم يـوم يمسـون***يشوفها اللي من وراء الضلع ساري
واليوم لاسمعه و لاعـاد يطـرون***وقصورهم تسفي عليهـا الـذواري
قالوا : تسج وقلت :وشلون تدرون***محدا ً عن اللي داخل القلـب داري
ياعيد لاصاحي ولانـي بمجنـون ***يطري علي إميه وستيـن طـاري
مكني الا بين الاضـلاع مطعـون***كني سجين(ن)بين بايع و شـاري
اكن عبراتـي مابالنـاس يوحـون***من واهجن في داخل القلب جاري
ماقرت الدنيا لموسـى و قـارون***ولاني على الدنيا مقيـم(ن)وداري
العام يوم العيد عنـدي يحظـرون***واليوم مالي غيـر هـل العبـاري
رد: قصيده لشاعر باين ابن وسمي الزنغوب رثاء فأخوانه
كُتب : [ 22 - 10 - 2009 ]
أخي الكريم / ممدوح الزنغوب بعد السلام صح لسان الشاعر / باين بن وسمي الزنغوب قصيدة مؤثرة ورائعة رحم الله إخوانه الثلاثة وشكرا جزيلا لك على نقلها وجزاك الله خيراً ولا هنت واسلم وسلم والسلام .