شبة النار

[الصا لح]

ياليل انا ذقت العنا والغرابيل

من عقب فرقا الزين ضاف الفضا بي

ضاق الفضا عقب الصفا والتعاليل

شفت النوى عقب الهوى والتصابي

لولا السهر في صحبة البن والهيل

عز الله اني كان فاقد صوابي

ولولا القمر والنار والثالث سهيل

لا كان شبت وتوني في شبابي

شوف الدلال وشبة النار بالليل

ونور القمر ساطع يشق السحابي

في راس طعسٍ حايرٍ وسطه السيل

تشفي عليلٍ يشتكي من عذابي

يا لليل انا عيني تهل الهماليل

تبغى تشوف العين زين الجنابي

يازين شوفه ماشياً في المداهيل

كنه غزالٍ تايهٍ في المرابي

الزين كامل والعقل والتفاصيل

والكامل الله مير مابه عيابي

الله يجيبه في الليالي المقابلي

ويطيب قلبٍ باين به صوابي


فهد المصارير

[الصا لح]

الله على جون ينشّك براده
في ليلت"ن"قمرا ولا حولك أجناس
من بين ضوح النور وعتمة سواده
النار يوقدها الحطب سمر كداس
يمر فكري مثل نظم القلاده
الماضي الي عشته أيام مع ناس
احدن موفق حظ وحصل مراده
واحدن شحيح الحظ رده على الساس
القلب هزه من زمانه وداده
غنيت يا مغناي وما نوخ الراس
والراس به من جور وقتي جلاده
حزت رخا من بين حزات محتاس
وسلامتكم :)

[حمود الحقي]

لاهنت اخوي الصالح على النقل المميز

تحياتي لك

[الصا لح]

ما قصرت اخوى حمود