منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
سلام الله سلامٍ فيه مسك وعود مع ريحان=سلام الله على حرٍ عروق المجد .. جاذبها
سلام الله سلام الله سلام الله على كحيلان=واخصبها الزعيم الي فعوله .. طايلين ابها
طويل اذراع .. صيته شاع .. نادى بسمه العربان=على طيبه يغبطه كل منهو في مناكبها
ابومتعب ذرا الشارد .. ابو متعب غنا الفقران=بيوت الفقر غيرها لأنه هو محاربها
وكم من ضايعٍ عينه تخايل خطة الاسكان=سموك مزنةٍ تمطر على شتى .. مضاربها
تبوك .. وفالحسا وغيره ليا حد اليمن .. جيزان=بيوت الخير نادى العز فيها وانت .. صاحبها
(( شهادة عصر )) من شعبك بأنك تكسي العريان=شهادة عصر من شعبك .. تفوزبها .. تفوزبها
نعدك معجزه من معجزات العصر .. ياحوران= لأنك معجزه والحين بشرحلك .. سبايبها
سياسي .. واجتماعي .. من سلاطينٍ لهم ميزان=اسم جدك واسم خالك على راسك مشاربها
ولك عقل اقتصادي ياطويل العمر وسمك .. بان=نعدك للوطن ياسيدي أكبر مكاسبها
جبينك ساطع ولك ياطويل العمر .. قلب انسان=وفي يمناك خير وبطش .. يامقوى مخالبها
جمعت العطف والقوه .. فأنت الوالد السلطان=قسمت الوقت بين الشعب واعمالك .. تقوم ابها
طغى فعلك على قولك وصارت سيرتك عنوان=بحر جودك لكل الناس تجريبه .. مراكبها
يقولون الكرم في حاتم الطائي واقول .. الان=تغير بسمكم ياسيدي والكل .. شادبها
يقولون العجايب سبع لازودٍ .. ولانقصان=ونا اقول انكم ياسيدي ثامن .. عجايبها
عظيمه سيرتك ياسيدي والفعل لك برهان=عظيمه ياعظيم الشان ونا الي .. نطولبها
قصيدي في سموك يظبط المعنى على القيفان=قصيده في سموك بالغلا والود .. كاتبها
يابو متعب لكم تاريخ والكم بالفخر ميدان=بطوله في بطوله سيرةٍ كلٍ يذيعبها
أقوله وافتخر في لابتي يوم القى فرسان=نضد القوم يوم الكون ونقصر .. شواربها
(( أنا سبيعي )) وكلٍ يعرف السبعان والسبعان=قبيله ناصرتكم كلها أصغرها وشايبها
الشاعر المبدع خالد بن عياش
صح لسانك ملايين يالوافي
قصيدة رائعة من شاعر متمكن
ومبدع في ملك يستحقها. أبو متعب
يستاهل المدح ونظم القصائد الجزل
وأنت بيض الله وجهك أسجل إعجابي
وتقبل تحياتي . أخوك الحميدي بن سعد
غير متصل
