ياعيال دوكـم لحـيتـي كـلـهـا شـيــب

[منصور الحري]

بسم الله الرحمن الرحيم

هذي القصيده لشاعر كبير بالسن وجد عقوق من اولاده الثلاثه لما زوجهم كلن راح مع زوجته وتركوه وحيد عاجز فقال هذة القصيدة

قال الـــــــــــــــذي يقرا بليا مكاتيب=ياللي تقرون العمى من عناكم
ياعيالي اللي تشرفون الــــــمراقيب=تريضوا لي واقصروا من خطاكم
خوذوا كلام الصـــــــدق مابه تكاذيب=مثل السند مضموم للي وراكم
ياعيال لا صــــــــــــرتوا ضيوف ومعازيب=ترى الكلام الزين ملحة قراكم
وتروا السبابه مـــــــــــن كبار العذاريب=وهرج البلايس مايطول لحاكم
المذهب الطيــــــب فهو مذهب الطيب =والمذهب الخايب يبور نساكم
ياعــــــــــــــــــيال ماسرحتكم باللواهيب=ياعيال ماعمر المعزب ولاكم
ياما توليت القبايل تــــــــــــــــــقل ذيب =من خوف لاينقص عليكم عشاكم
وياما شريت الســـــمن من عرض ماجيب=يفز قلبي يوم يبكي حداكم
وياما قطعت مــــــــــن الفيافي العباعيب=ندور من صيد البراري غداكم
ياعيال دوكم لحيـــــــــــــــتي كلها شيب=هذا زمان قعودنا في ذراكم
قمت اتوكا فوق عــــــــــــــــــوج المصاليب=عطوني القرضه جزى من جزاكم
لابد يومٍ عـــــــــــــــــــــاوي دوني الذيب=بالقبر ما افرق طيبكم مع رداكم
ماني بفا ضـــــــــــحكم بوسط الاجانيب=باعمالكم يدرون كل اقرباكم
لوكان تدرون الــــــــــــــردى والمغاليب=صرتوا مع المخلوق مثل خوياكم
خوالكم بالطيـــــــــــب تروي المغاليب=ولو تتبعون الجد محد(ن) شناكم
وش علمـــــــــكم ياتاركين المواجيب=حسبي عليكم هالردى وين جاكم
يالله عسى اعــــماركم شمسها تغيب=ويعتم قمركم ثم تظلم سماكم
ياعلكم في حامــــــــــــــــيات اللواهيب=ياللي على الوالد خبيثٍ لغاكم
شفت الجفا والحـــــــــــيف والغلب والريب=بضلوعكم لا بيض الله قراكم
اطلب عسى نساكم ماتحمل ولا تجيب=ولا احد من الوغدان يمشي وراكم
اخسوا خســــــــــــــــــيتوا ياكبار اللغابيب=اهبوا هبيتوا يقطع الله نماكم

وسلامتكم القصيدة للشاعر جحيش السرحاني

[أبو يزيد]

اعوذ بالله من قطيعة الرحم

شكرااا لك يامنصور على نقل هذه العظه والعبره

[فهد ابو نايف]

شكرااا لك يامنصور على نقل هذه العظه والعبره
ونسال الله السلامة

[منصور الحري]

يا هلا وغلا بخوي ابو يزيد
شكراً لحضورك

[منصور الحري]

نسأل الله العافية والسلامة
شكراً لك ابو نايف

[راشد التوم]

مشكور يالفتى منصور

{وَاعْبُدُواْ اللّهَ وَلاَ تُشْرِكُواْ بِهِ شَيْئاً وَبِالْوَالِدَيْنِ إِحْسَاناً وَبِذِي الْقُرْبَى وَالْيَتَامَى وَالْمَسَاكِينِ وَالْجَارِ ذِي الْقُرْبَى وَالْجَارِ الْجُنُبِ وَالصَّاحِبِ بِالجَنبِ وَابْنِ السَّبِيلِ وَمَا مَلَكَتْ أَيْمَانُكُمْ إِنَّ اللّهَ لاَ يُحِبُّ مَن كَانَ مُخْتَالاً فَخُوراً }النساء36

[منصور الحري]

حياك الله اخوي التوم1 منور يا الغالي

[أبو حمود]

ياعيال دوكـم لحيتـي كلهـا شيـب
هـذا زمـان قعودنـا فـي ذراكــم


بيض الله وجهك على المنقول الراااااااائع
ولاهنت .. نفداااااااك

[منصور الحري]

حياك الله يا مورد الهايب
أشرقت الصفحة بمرورك
شكراً لك