بسم الله الرحمن الرحيم
(مخطوبه وتبغي رايي بالخطيب)
وصفت لها اشكالا من الرجال حسب رايي الخاص واخترت لها العميد/محمد بن عبد العزيز بن شنيف حفظه الله وشرواه من الرجال*
ياالله يا علام سر الوجودي**يونس في بطن الحوت بالبحرنجاه
فردا صمدهوالغفور الودودي**ايوب بعد الضر والهم شافاه
واللي رمي بالجب لاهله يعودي**انت اللي حفظت يوسف وترعاه
يارب تامرني بحسن الردودي*العبد عبدك وانت تامر وتنهاه
تشري النصيحه بالذهب والنقودي**وابليس يزعل من هل الشوروالجاه
يابنت ياللي مثل ظبي النفودي**ابنصحك يابنت الاجواد لله
تخيري قدام كتب العقودي***تري الرجال اشكال مابه مراواه
فيهم كريما مايعرف الصدودي**وان زانت اعماله تري الخلد ملفاه
وفيهم بخيلا عادته ما يجودي**نفسه شحيحه والبخل من سجاياه
وفيهم شجاعا دون حقه يذودي**في موقف لاصارت البيض تنخاه
وفيهم كما الحصان الهبودي**احمق والاحمق دايما داه برداه
وفيهم جبان وباللوازم شرودي**تبت يده هو ما درا ان النار ماواه
وفيهم كذوبا ما يحفظ العهودي**تجارته بالكذب قلت عناياه
وفيهم مدير الغش مذهب يهودي**وبيت بني بالغش ينهار مبناه
وفيهم كبير النفس مافيه فودي**الكبر للي كون ادم وسواه
وفيهم كما وصف العقاب الحسودي**يضحك وقلبه باسود الحقد يملاه
فان كان طعتي شورنا يا عنودي**اختاري ابن شنيف منا وشرواه
محمد اخيار ومن اخيار البدودي**من روس غلباءمعدن الجود مجناه
علم واداب ومنبع الجود جودي**لنا الفخر لاصار ذكره وطرياه
الطيب يا بن شنيف ماله احدودي**مافيه رجل بالمكارم تعداه
الا انت طيبك واضحافيه زودي**صنايع المعروف تعجز تحداه
نجمك صعد بين الكواكب صعودي**وسام الشرف والمدح يا شيخ تزهاه**
سلايل ابن شنيف ليث الاسودي **وزبن الحصان اليا ارتخي سير علباه
وان ثارت الهيجاء سوات الرعودي**تشكي رجال الضد من حد شلفاه
وراعي مضيفا يوم الايام سودي**بحر السخاء من جاء مع الريع عشاه
الريع لابن شنيف ليته يعودي**درب القوافل والمراكيب تنصاه
بيته كما عدا عليه الورودي***هداج تيماء من ورد شرب من ماه
الطيب لو راعيه تحت اللحودي **تلقي مع العربان صيته وذكراه
هذي نصيحتنا وهذا ردودي**واللي كتب باللوح يا بنت نلقاه
وصلاة ربي عد وبل الرعودي**علي رسول وضح الحق واجلاه
مع تحيات اخوك /جسار حمود ال منيس المشعبي السبيعي
اذا كانت الامم تفتخر بامجادها ،فلنا الفخر بالشيخ تركي بن شنيف رحمه الله حيث كان يضرب به المثل بالشجاعه والكرم في رنية الفيحاء