الشاعر :سيف بن محمد

[سالم الهلالي]

السلام عليكم ورحمة الله وبركاته

الشاعر:سيف بن محمد بن سيف بن سلطان المحسني اليذوي القشيري الكعبي,,,, من شعراء الامارات
شاعر بدوي اللهجة .. ,ولاكنه غايب عن الساحات من عام 1996ميلادي..

...

[سالم الهلالي]

آه يا ويلي على وقتٍ مضالـي
لي ذكرته ضاقت الدنيـا عليّـه

انقضى عنّي ومنه مـا بقالـي
غير تذكـار المحبـة الاوليّـه

مع صديق ٍ دايم ٍ يخطر عبالـي
صاحبي لي زارع المعروف فيّه

اذكره في كل حـل ٍ وارتحالـي
كيف بنسى صاحب الطلعة البهية

فرّقت ما بينـي وبينـه ليالـي
و آه من فرقاه مصعبها عليـه

لا بلا الله الصديق بفقـد غالـي
مثل ما روحي من الفرقا شقيه

ما بقالي حد انا عنـه اسالـي
عقب خلي راعي النفس السخيه

لو بدوّر بين ربّـات الجمالـي
وين بلقا مثل بو عين ٍ غضيـه

والله انه غير حبّه ما سطالـي
لا ولا هميـت غيـره مالبقيـه

مبتعد عن كل حلـوات الدلالـي
مثل بعد الأرض عن نجم الثريا

كل واحد له طريق وله مجالـي
وهوب كل الناس فيهم جاذبيـه


...

[سبيعي وربي الله]

لاهنت وتسلم يمناك

والله لايحرمنا من يمناك

وتقبل تحيااتي