انا وقلبي

[الشاااااامخ]

قلت للقلب تكفى عن غلا البيض تـوب=وخل عنك الهوى وانس التعب والغلايب
انس قيض الهموم وسرمـدي الذنـوب=والسهر والجروح الداميـات العطايـب
قال يابن الحلال انـا عليـه مغصـوب=كيف تبغاني انبض دون حب وحبايـب
وانت تدري ماهو بالكيف يومـي اذوب=الهوى ذايبٍ فينـي وانـا فيـه ذايـب
قلت زين الشقى ماني لعرفـه طـروب=وماني اهوى تكبـاد النكـد والنشايـب
ماتشوف التعب بين علـى والشحـوب=انت تعشق وانا لي الشقـى والطلايـب
قال شي انكتب لا عاد ترجي الهـروب=والصراحه ترى ماني بكـل السبايـب
صـح غالبـك لكنـي تـراي مغلـوب=ما اقدر اقاوم الزينات شقـر الذوايـب
قلت ياقلب لا صادفـك غـروٍ لعـوب=احذر تعاشره يجلب عليـك المصايـب
لا تعاشر سوى ظبـي عديـم العيـوب=ماهو من الخبـول مكثريـن النحايـب
قال اقول انثبـر لا اعلقـك بالهبـوب=ولاتخليني احـب السمـا والسحايـب
واعشق الشمس لا مالت بوقت الغروب=وانت فكر على مهلك وشوف العجايب
قلت ياقلب ماتـدر ان باقـي القلـوب=مستريحه من الاحزان ومـن التعايـب
ول ياقلـب م اكثـر ماتحـن وتلـوب=اعقل وتوب قبل اتصير فيك الغرايـب
قال دوبي طعمت الحب والعشـق دوب=وانته اذيتني كني مـن الحـب شايـب
شوف لو قلت لك بتوب فانـا كـذوب=عن هوى الغيد تبطي عضم ماني بتايب

اخوكم محمدالمالكي_الشامخ

[العتير]

صح لسانك اخوي الشامخ

هذي وافيه ياوافي

الله يعطيك العافيه وتقبل مروري

[الشاااااامخ]

المشاركة الأصلية كتبت بواسطة راعي ملقا

صح لسانك اخوي الشامخ

هذي وافيه ياوافي

الله يعطيك العافيه وتقبل مروري

صح بدنك وماعليك زود


وعسى ربي يعافيك



تقبل ارق التحايا على مرورك العطر