شمري متواجد بين سبيع الغلبا هل من مرحب ؟

[راشد الشمري]

السلام عليكم ورحمه الله وبركاته

مساء الخير

صباح النور

كلن ع وقته

في البدايه اول شئ اهنيكم ع فوز ناصر محمد فارس الفراعنه السبيعي ببيرق سبيع الي سمعت انكم تبون تسوون له بيرق ..

وربي في نظري انه اغلى بالمعنويه من بيرق المليون ..

ويعلم الله اني وقفت مع ناصر الفراعنه اكثر ما وقفت مع عبدالرحمن الشمري في السنه الماضيه واكثر من شعار شمر في السنه هذه ..

ويستاهل والله ابوفارس وكنت متوقع له البيرق ..

وجيتكم ع ناقتي من وادي صرح في جبه < بدينا تقليد هههههههه

وجاي ارخي ناقتي عندكم واستمر معاكم ويعلم الله معزتكم ياسبيع بالقلب ..

والي يدخل منتدى ابوفارس وكان يقراء فيه انا اسمي فيه " شمري متعصب للفراعنه "

اخوكم راشد الشمري :)

[خالد الشماسي]

يا مرحبا الفين وألفين هلا



اقلط هلا بك ومرحبا والمنتدى منتداك




وننتظرمشاركاتك ومواضيع

[خيَّال الغلباء]

أخي الكريم / راشد الشمري السلام عليكم ورحمة الله وبركاته وبعد : أرحب تراحيب المطر في محلك وبين إخوانك أبناء قبيلة سبيع بن عامر الغلباء وأهلا هيل عد السيل وحياك الله من ممشاك إلى ملفاك وحيا الله الطنايا كلهم وربعك أهل جبة الرمالات خصوصا وشكرا جزيلا لك على تهنئتك بفوز شاعر الجماهير والثقلين والوطن الكبير المجدد / ناصر بن محمد بن فارس الفراعنة السبيعي ويبشر أبو فارس بتكريم يليق به وبقدراته العلمية والشعرية ونقول لك كما قال الشاعر :

يا ضيفنا لو زرتنا لوجدتنا
= نحن الضيوف وأنت رب المنزل

مع أطيب الأمنيات واسلم وسلم والسلام .

[راشد الشمري]

هلا والله وغلا ومرحبا اخوي خالد الشماسي ..

كلي فخر وشرف ان اول واحد يرحب فيني يكون من اداره المنتدى ..

ولا خلا ولاعدم ..

ويعطيك العافيه ع الترحيب ..

اخوك راشد الشمري :)

[راشد الشمري]

هلا والله وغلا ومرحبا اخوي خيال الغلباء ..

يعطيك العافيه ع الترحيب وما قصرت ..

ولاخلا ولاعدم ..

و على قولت شايبن جاري سبيعي يقول شمر وسبيع عينين بعصبه راس وحده ...

ويستاهل ابوفاارس كل التقدير والشكر ..

وودي والله اكرمه بيدي ويستاهل كل خير ..

اخوك راشد الشمري

[النفل]

ياهلا يابعد حيي يالسناعيس


وننتظرمشاركاتك ومواضيع

[النفل]

جتك الرسالة على الخاص اخوي راشد

[راشد الشمري]

هلا والله وغلا ومرحبا اخوي النفل ..

ابقه ياذيب ..

والله يخوك يقولون لازم تتعدى المشاركات الخمسين .. :)

ولا ادري ..

اخوك راشد الشمري

[أحمد السبيعي]

يا مرحبا تراحيب المطر انت بين اخوانك وربعك والمنتدى منتداك

ونتشرف يالشمري انك تكون بيننا ومنتظرين مواضيعك على احر من الجمر

شكراً

[راشد الشمري]

هلا والله وغلا ومرحبا اخوي احمد السبيعي ..

اشكرك ع المرور والترحيب ..

اخوك راشد الشمري ..