نشـــدية شيــوخ سبيــــع

[العويد]

نشدية شيوخ سبيع عني يا بـو راكـان = نياشيـن فخـرٍ فـوق الامتـان برّاقـه
تحياتهم وصلت مع الشكـر والعرفـان = لهم للسلام اللي وصلنـي علـى فاقـه
اذا كان يبهج خاطري طـارف العربـان = اذا ارسل تحياته وعبـر عـن اشواقـه
اجل كيف لا جات التحايا من الشيخـان = طوال العمـار اللـي للامـداح سباقـه
سلاطين قيـف سبيـع حمايـة الحـدان = بيارق فخرهـم فـوق الامثـال خفاقـه
شيوخ دفعهم طيب الاصل وعلو الشـان = لنيل العلا و مصافـح المجـد وعناقـه
تعلوا سنـام العـزّ وهـم بعـد شبّـان = وجت اذكارهم رايات وشموس شعاقـه
ولا خالفوا في نهجهـم منهـج الجـدان = توالـي الحيـا لاول مناشيـه لحّـاقـه
لا ذكرت علوم المرجله ذكروا السبعان = لهم عروة وثقى مـع الطيـب وعلاقـه
ربيع على الاصحاب قيظ على العـدوان = لراعي الوفا عـونٍ و للمعتـدي عاقـه
وانا راس مالي عرف ومواصل الظفران = رصيدي مع التجار في المال واسواقـه
في سوق الجميل اكيل وارجح الميـزان = وفي سوق الردى مالي بعيـر ولا ناقـه
احب الكفو واشريه لو غليـت الاثمـان = وابيع الردي با بخس ثمن واشري افراقه
ورى كل قصر شامخ تاقـف السيسـان = ورى طيب نوهات الرجل تاقف اعماقـه
ولاني باحسب احساب الاشكال والالوان = مقياس الرجل عنـدي نوايـاه واخلاقـه
هذا والبيوت النـادره واجـزل القيفـان = ما تلحق قدر وحقـوق حمايـة الساقـة
ولكـن عسانـا نوفـي الديـن للديـان = ونهدي جزيل الشكر والذكر فـي باقـه
وانا عقب هذا اليوم لو شحوا الصدقـان = علي بزيارتهم وجـا الوصـل بشفاقـه
تكفيني مراسيل ابن جروه وابن قطنـان = وسلام الشيوخ اللي وصلني على فاقـه
وكل الشكر للمشعبي مكـرم الضيفـان = له البيض نبنيهـا علـى كـل شوهاقـه

الشاعر: عبدالله الشهراني

[اخو شما]

	لا ذكرت علوم المرجله ذكروا السبعان=لهم عروة وثقى مـع الطيـب وعلاقـه ربيع على الاصحاب قيظ على العـدوان=لراعي الوفا عـونٍ و للمعتـدي عاقـه صح لسان الشاعر عبدالله الشهراني وسلمت يمينك يالعويد

[المولع]

اسلم اسلم

لاهنت يابن العم على القصيده;)

صح لسانك ولسان من قالها

وسبيع يستاهلون

لاهنت ياشوق البنت

[ابن جـــــــراح]

العويد

لا هنت على نقل القصيده

وسلمت يمينك

وصح لسان شاعرها

تحياتي لك

[السيف]

سلمت يمينك يالعويد على هذه القصيدة الجزله


صح الله لسان شاعرها عبدالله الشهراني


تحياتي

[العويد]

	اخو شماا,,,, هلابك مليون ولاهنت يالقرم,,,,, المولع,,,, هلا هلا :) ارحب,,,,, لاهنت يالقرم على مرورك,,,,,, ابن جراح,,,, راحب يالغالي لاهنت على مرورك ومااقصرت يالغالي,,,,, السيف,,,, هلابك يالغالي,,,, يكفي مرورك على القصيده وصح لساان قايلهاا,,,, ولاهنتوا جميع,,,,,, اخوكم في الله ,,,,,,, العويد,,,,,,,

[smart]

صح الله لساااااااااااااان شاااااااااعرهااااااااا ملاااااااااييييييييين

وتسلم يمين من نقلهااااااااا للمنتدى


تقبل فااااااااائق تقديري

والله يحفظك ياااااااااااااالعوووووووووويد

[مشعاب]

صح لسااااااااااااااااااااان عبد الله الشهراني


ولك الشكر على نشرها



ولا تخلينا من رد القصيده فهذه القصيدة لا بد لها من رد

مشعاب دوت تذوق القصيد

[العويد]

	سماارت هلابك يالغاالي,,,,,,,, لاهنت على مرورك ومااعليك زود يالقرم,,,,,,,, لك شكري اخي العزيز,,,,,,,,, ------- مشعااب لاهنت على المرور والشرطه بعد :),,,,,,,, اكيد القصيده يبيلها رد بس يالله على يدك انت الشااعر انا منيب شااعر:),,,,,,,,,, واناا ترا موكلك بالرد على الشهرااني لأن الحال من بعضه,,,,,,,,,,, تحيااتي لك وننتظر ردك على القصيده,,,,,,,, اخوكم,,,,,,,,, العويد,,,,,,,

[خالد الشماسي]

قصيدة جزله

وعبدالله الشهراني صح لسااااااااااانه ملايين



وعندي سؤال

هل هو صاحب منتديات شهران أو غيره ؟

لأنكم المفروض تردون عليه في منتداه ويعلنها احد المعنيين بالقصيدة


لكم تحياتي