السبيعي تهيض ,, عندما تهيج المشاعر وتلتقي العواطف
هذه قصيدة قالها الشاعر المبدع سعد بن ثلاب القباني تذكر بها سيرة الأجداد ونزوحهم وديارهم الغالية فقال
:
السبيعي تهيَّـض والسبيعـي يقـول
ديرتـي رنيـة الفيحـاء ووديانهـا
سكنها هم هل الغلباء رجـالٍ زحـول
هم سبيع بـن عامـر كـل جدانهـا
جدهم صعصعه، ثم تجتمع به سلـول
من بكر من هوازن قيـس عيلانهـا
في مضر تلتقي أنسابهـم والرسـول
من نـزار المعـدِّي نسـل عدنانهـا
لاد عمي هـل المثلـوث كـل يقـول
واعتـراف القبايـل ضبـط وكدانهـا
احدَرَوا من اديرهم ثم سُمَّوا سهـول
لاد سعـد الشماسـي جـد قبانـهـا
اسكنوا وسط نجدٍ حول سيح الدبـول
ثم ساروا الـى الأفـلاج واوطانهـا
في ثنايا العويرض صمموا بالنـزول
جـوَّدوا يـوم حَلَّـوا كـل خدانهـا
لاد قبان لـوّل هـم جمـال الحمـول
ارسخوا في العويرض وسط شعبانهـا
قرن عاشر زمانٍ جوك مثل السيـول
مثـل سيـلٍ قـويٍ طـم شجرانهـا
ما خذينٍ مناهم يـوم زيـن الحلـول
حافضيـنٍ حماهـم بيـن عدوانهـا
وارثين الشجاعة فوق قُـبّ الخيـول
ينطحـون المنيـة وسـط ميدانـهـا
مرخصين العمار اوقات زيغ العقـول
لا انتشر في المعـارك عـج دخانهـا
حازوا الطايلة في الحرب وقت الجهول
يوم بعض العرب ما شـاع علمانهـا
ملتجاً للضعيف ان جا الدهر به ميول
ضيفهم يكرمونه من شحـم ضانهـا
ياصلون المحاري لا تـردّى الحيـول
يصعدون المعالـي فـوق صيحانهـا
يـا قبيلـة سبيـعٍ ياسبـاع الليـول
يا جموع المعـزي سالـف ازمانهـا
بيانـتٍ مواقفهـم بكـثـر القـتـول
لا تلاقـت نهـار الكـون فرسانهـا
من يعادي هل الغلبـا تـراه مهبـول
يترك الـداب وشجرتـه ومسكانهـا
ومن طمع في وطنهم جاه يومٍ يهـول
الأسود الضـواري تحمـي اوطانهـا
جعل ديـرة سبيـع للسعـد والقبـول
جعلهـا الله تزيـد ويرتفـع شانهـا
يابو مرضي وعطنا الردّ خللك عجول
يـوم جسّـار مـا يبطـي بقيفانهـا
ختمها فـي صـلاةٍ للنبـي الرسـول
عِدّ مـا طافـوا الحجّـاج باركانهـا
لم يتأخر الرد من اناس يحملون نفس المشاعر تحركت بهم حميتهم
فرد الشاعر عبدالمحسن بن ثواب المشعبي من أهل الغافة في رنية فقال
/
السبيعي تهيض من هجوس عجـول
يتـرك اهزالهـا ويسجـل اسمانهـا
قدم بدع القصيد وقدم ما كان اقـول
اذكر اللي خلـق نفسـي ورحمانهـا
السبيعي بـدارٍ مـن قديـم الحلـول
هـم سلاطينهـا وحمـاة حدانـهـا
من غزاها طموعٍ رِدّ منهـا فشـول
غاليـة مكرمـة مـا واحـدٍ هانهـا
حدها ضلع أبا القاسم وما اقبل قبول
الى جبـال الرقيقـة هـي وقلبانهـا
من جنوب حماد ومن شمـال تلـول
وغربهـا حـرة سبيـع وكيرانهـا
مصنع للملاح(1) وللنمـورة دحـول
كم فريسٍ رمت بـه فـوق جيلانهـا
والذي هاضني بالكتب فوق السجـول
كلمـةٍ للسبيعـي شفـت عنوانهـا
ياابن عايض (2) تخير لرسالة رسول
الديـانـة بنرسـلـهـا لديـانـهـا
العرب ما يحبـون الرفيـق التلـول
كيف يرقد ارجالٍ ما قضـت شانهـا
ابن ثلاب يحسب للشهـر والهلـول
بيعلـوي بيـوتٍ صــبّ سيانـهـا
ياابن ثلاب في مدحك تقول وتطـول
ثابت مـدح ربعـك بيـن جيرانهـا
لاد قبـان لطامـه شبـاة العـيـول
عنـد دار لهـم حلـوا بجيلانـهـا
ماشروها بنقـد ولا عطيـة بخـول
كـود بمشـوّكٍ تشتـب ضيّانـهـا
في الجواهل يوم قدر المنايـا يجـول
قرّروهـا وصـاروا هـم عربانهـا
في ثنايا العويرض حذفـوا بالعـدول
مثـل نفـر التهاميـة وعمدانـهـا
استحلوا جبلهـا والسهـل والحقـول
واصبحت غايةٍ وهم روس يسدانهـا
موقفٍ ما خضع لَريا الذليل العـذول
خاضـعٍ للسيـوف وراي فرسانهـا
كل عينٍ سهيرة قـد ملوهـا كحـول
لين سلمت مشاكـي كـل وجعانهـا
وعشقتهم وصارت يمهم في ميـول
لين صـارت لهـم جنـات عدنانهـا
جعلهم يسلمون وجعلها مـا تـزول
يوم قامـت تزيّـن وهـم خطبانهـا
يا سعد يا سعدها عند ثقـل الحمـول
ياحكيـم المعرفـة جبـت ثبتانـهـا
المعرفة تجي مـع طيبيـن العقـول
صاحب المعرفـة يفـرح بعرفانهـا
انت سلّم على آل قبان خلك عجـول
كـل قـبـان شايبـهـا وشبانـهـا
خص شيخ القبيلة كل شيٍ له وصول
ريَّس القـوم مقـود كـل شجعانهـا
مع صلاتي على طه النبي الرسـول
عدّ نبت الـورق بغصـون عيدانهـا
(1) الملح : البارود
(2)ابن عايض : هو جسار بن عايض المشعبي التي اسند له شاعر التوباد القصيدة بقوله:
يابو مرضي وعطنا الردّ خللك عجول
يوم جسّـار مـا يبطـي بقيفانهـا
ورد ايضا مسفر بن محمد بن محيسن المخاضير الصنادلة من ال عمير من سبيع، من رنية
يا سلامي سلامٍ مرسله من الشلول
مـن نمـورٍ مرابيهـا بضلعانهـا
علّمونـا الآداب وحمّلونـا الثقـول
ربعنا اللي مضوا ِِِما مال ميزانهـا
من جميع النواحي معقّلين الزمـول
وان تعدّت علينـا نقطـع بطانهـا
دارسين المعارك يوم عصر النبـول
يوم بعض القبايل ما اقتضت شانها
نركب الطايرة من عقب ركب الذلول
والصواريخ مرصـودة بجنحانهـا
لا وصلت العويرض نزلوها نـزول
واكتبوا فوق بيت الشيخ عنوانهـا
يوم جانا خطابٍ مظهرٍ من السجول
شجرة الطيـب تعجبنـا بريحانهـا
يا ابن ثلاب ربعك في قديم الحلـول
يطـردون القبايـل دون حدانـهـا
ما يعدّ المناسب كود رجـلٍ يقـول
طبّ جوف البحور وجوف حيتانهـا
ترفع الراس يالفارس وعمرك يطول
عزوتي في ليـالٍ شـب نيرانهـا
يا سعد لاتباطانا ولا انـت بزعـول
والـرجـال بتطالبـنـا بحقانـهـا
انت غالي وحنـا مالقينـا سبـول
ودي إن حاجتي تاصل على مانهـا
يذكرونك بمكة يـم ريـع الحجـول
والبيوت الشريفة جيـت بحضانهـا
ليش ما جيتنا يا شيخ ما انت بزلول
جيتك عندنا نفـرح علـى شانهـا
اقبل العذر منّا وانت منـك القبـول
ونتواجه بساعـه غـاب شيطانهـا
غير متصل
