ســـــــلام

[سبيعي البكيريه]

ســلام مني للقروم المشـاكيل .... لكل القبايل باديــه والعمارا

جميعهم له منزله فوق بالحيل .... ولهم تحـــيه وأحترام وقـــارا

يامرحبا فيهم أوجار ومعاميل .... والعود الأزرق نجلبه من بخارا

ومفطحات الضأن كنز من الحيل .... بنا الشحم على الظهر والفقارا

تقطف من العشب المسمى تنافيل ... ربلٍ وذعلوق ٍ وعشب وخضارا

واخص منه اللى كما مطلع سهيل .... ربعي سبيع معسفين المــهارا

مكرمين الضيف جيل ٍ بعد جيل ..... بجيناتهم توارثوها الصــغارا

لو السنين عجاف والوقت به ميل .... محشوم لو عند المضيف إعسارا

دخيلهم والله مامســـــه الويل .... إسود سبــعان ٍ ذياب ٍ نمـــارا

فروخ شيهان الحرار الحلاحيل ..... ماهي خروبٍ من فروخ الحبارا

من فعلهم ترعب عصاة تهاويل ..... خوف الحباري لاصفقتها الحرارا

طيور شلوى من ليوث الرجاجيل .... لاثار دخـــانه وعــج الغبــارا

المعذره للنقد وان قيل ماقيل .... تراي انا أقبـــل نقد كل الخيارا

وصلاة ربي عد وبل الهماليل ..... وعداد من لبى بمــــكه وزارا

ولاربعت ام البهم والمطافيل .... .. وام السنام اللى تروم الحوارا

تقطف طياح من الربل والتنافيل .... بالليل تسكن والمفالي نهارا

ترعى من الوديان هي والغراميل .... ومع السهول تجوب كل القفارا

وعداد غشن المزن لاطاح والسيل .... وعد الورق مع رمل كل الصحارا


البكيريه \ محمد العلي العبدالله آل عقل

[خيَّال الغلباء]

ســلام مني للقروم المشـاكيل =لكل القبايل باديــه والعمارا
جميعهم له منزله فوق بالحيل =ولهم تحـــيه وأحترام وقـــار
يامرحبا فيهم أوجار ومعاميل =والعود الأزرق نجلبه من بخارا
ومفطحات الضأن كنز من الحيل =بنا الشحم على الظهر والفقارا
تقطف من العشب المسمى تنافيل =ربلٍ وذعلوق ٍ وعشب وخضارا
واخص منه اللى كما مطلع سهيل =ربعي سبيع معسفين المــهارا
مكرمين الضيف جيل ٍ بعد جيل =بجيناتهم توارثوها الصــغارا
لو السنين عجاف والوقت به ميل =محشوم لو عند المضيف إعسارا
دخيلهم والله مامســـــه الويل =إسود سبــعان ٍ ذياب ٍ نمـــارا
فروخ شيهان الحرار الحلاحيل =ماهي خروبٍ من فروخ الحبارا
من فعلهم ترعب عصاة تهاويل =خوف الحباري لاصفقتها الحرارا
طيور شلوى من ليوث الرجاجيل =لا ثار دخـــانه وعــج الغبــارا
المعذره للنقد وان قيل ما قيل =تراي انا أقبـــل نقد كل الخيارا
وصلاة ربي عد وبل الهماليل =وعداد من لبى بمــــكه وزارا
ولا ربعت ام البهم والمطافيل =وام السنام اللى تروم الحوارا
تقطف طياح من الربل والتنافيل =بالليل تسكن والمفالي نهارا
ترعى من الوديان هي والغراميل =ومع السهول تجوب كل القفارا
وعداد غشن المزن لاطاح والسيل =وعد الورق مع رمل كل الصحارا

صح لسانك وسلم نبضك وبنانك وإعتلا شانك

[نجم سبيع الغلبا]

ونعم يامحمد .. صح لسانك ولاتحرمنا جديدك

[مناحي المحمدي]

فروخ "شيهان الحرار" الحلاحيل ..... ماهي خروبٍ من فروخ الحبارا
صح لسانك بس غير الشطر الاول والسبب كم هو موضح بين الاقواس
اغلب القرا ومتذوقين الشعر مايستسيغونها .

وصح لسانك يالشاعر الجزل

[سبع الجزيره]

صـــح لـــســـانـــكـ على هالقصيده الجزله صراحه يعجز اللسان عن مدحك في هذه القصيده ...




اخوك : سبع الجزيره