منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
انا البارحة يالله عسى ما علي ذنوب= لذيذ الكرى فارق عيوني وحاربها
لا حاولت انام بكل حيله وكل سلوب=يطول السهر ومحاولاتي فشلت أبها
وفكرت في دنياً تواعد وعد عرقوب=تغر البنادم لين يامن عواقبها
ولا واحدٍ جتله على غاية المطلوب=ضحوكٍ قريبٍ ضحكها من مصايبها
بعيدة مدى متنكره ذيلها مسحوب=احد ترمحه واحدٍ تدكه مناكبها
ولا تعطي اللا سبعة أمتار قطعة ثوب= فقط والبقية وش تبي يامحسبها
صحيح الآجل والرزق للآدمي مكتوب= لكن الليالي ما تعلم بغايبها .
لا إله إلإ الله
التعديل الأخير تم بواسطة ابن بداح ; 04 - 04 - 2004 الساعة 03:43
غير متصل
