بسم الله الرحمن الرحيم
البارحة يوم أمسوا الناس ما أمسيت
= سقت القوافي والبيوت الثمينه
لي هقوة (ن) في الطيب إليا تهقويت
= راع الوفاء والطيب ربي يعينه
وأشكي على قرم (ن) مع الناس له صيت
= اللي على العليا تسوقه يمينه
يا أبو ثواب بدار الأجناب مليت
= ومثلك درى بالوقت زينه وشينه
أبعدت عن قرب الجماعه وياليت
= الجيش ربي حال بيني وبينه
أصبحت مملوك (ن) لبعض الخراتيت
= وعزي لمن مثلي حدنه سنينه
بين رحمان مكبرت مجلس البيت
= أهل الكرم وأهل البيوت الحصينه
سعد الخوي والجار لفعالهم صيت
= يوم الجهل كم من عدو (ن) تهينه
لا جاء نهار (ن) به عزاوي وتصويت
= فنجال حرب المعتدي شاربينه
ما أقولها هرج (ن) على غير تثبيت
= قول (ن) صحيح (ن) والعرب خابرينه
هذا ويااللي للسبيعي توحيت
= قول (ن) على بعض الورق كاتبينه
على نبي الحق صلوا وصليت
= اعداد من زار الحرم والمدينه
هذي القصيدة للشاعر الكبير / مثيب بن فريج الصندلي السبيعي
كاتب القصيدة / عبدالله عجلان المكحلي السبيعي
وشـــــــــــكـــــــــــراً
أخي الكريم الشاعر / مثيب الصندلي السلام عليكم ورحمة الله وبركاته وبعد : شكرا جزيلا لك على هذه الرائعة في خوة الطيبين والنقيب / طايل الرحماني يستاهل والنعم فيه وفي ربعه ظهور السواني وصح لسانك وسلم نبضك وبنانك وإعتلا شانك والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وامتناني مقرونا بجزيل محبتي واحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .
غير متصل
