منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
أنا البارحة يوم العرب هجعوا ونيت =ونين المراوح وأسود السير يبرمها
على أمانة (ن) كلفت فيها وأنا مليت =ولا جاء الأمين اللي ودعها وأسلمها
تجودت فيها لين قل الجهد وأزريت =أعطيها مية فالألف ما الله بقاسمها
موضوع قفل بابه وأنا عنه ما سجيت =مدري وش يدفعني له ونفسي مزايمها
دايم خاطري مكسور واسبيت ماله بيت = يالله يا رب اللي وقع الطير في فمها
يا طيف (ن) تجيني تالي الليل لا حييت =أنا أحاول أنسى وأنت تبعث معالمها
هاذي وش وراها كل ما زرتني بكيت = أبوك اقف عني كود بلاواي الملمها
أخي الكريم الشاعر / مبارك بن مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة والمعبرة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
غير متصل
رد : انا البارحة يوم العرب هجعوا ونيت
