يحن الخفوق ليا حصل هاجس قزاه

[مبارك مقين]

يحن الخفوق ليا حصل هاجس قزاه=حنين الخلوج اللي كلا الذيب حاشيها
تعليت من تلن كن الرمش فـي حجـاه =خرز سبحتن يوم انقطع حبـل راعيهـا
على آخر نهارن معطن الخرمسي قفـاه =ساعة قبل ليلن كـل الأزوال يخفيهـا
تشوف الجبل من نازح البعد كبر الشاه =سباريت جـون ذيبهـا راقـدن فيهـا
ادورعلى اللـي مالقيتـه ويـن القـاه =طردت الركايب ليـن حفيـت سماريهـا
ماغير الخلا الخالي وذيبن يجر عـواه =وأنا اجر من زيـن المثايـل قوافيهـا
لــو أن جرها يجر قـلـب العنا بـعـراه =مثل جر دلـون مـدبحاتـن سوانيهـا
تطاوع معـي صلفاتهـا واستعـن بالله =على طارقن يطرق ضلوعـي ويلويهـا
أنا وش اسوي كان صبري وصل منهاه =جعمت الجهود ولحـق أولهـا بتاليهـا
نصيبي غدا كنه دريكن عطا المضمـاه =طلع من يدي مابه اسواتن واسوييهـا
ماغير اصفق الكفيين واقـول واعـزاه =وحشت ضامري مااقدر على حر صاليها
سواتن مسويها لك الله مهيـب اسـواه =جمر النار تعرف حرها رجـل واطيهـا
ابصبر على حـظ العنـا طيبـه و رداه =لعل وعسـى الأيـام تصلـح تواليهـا
الا واهني اللي صبـورن علـى بلـواه =صبورن علـى مـر الليالـي وحاليهـا
الا ياعيوني صافي الدمع صبـي مـاه =وهاتي سريبه عقـب مابـاح صافيهـا

[خالد الشماسي]

صح لسااااااااانك اخي مبارك


دائم مبدع


تسجيل اعجاب

[ماجد الشماسي]

صح لسانك لاعدمناك

ونحن بانتظار جديدك

[مبارك مقين]

خالد الشماسي


ماجد الشماسي


صح أبدانكم وتسلمون على المرور المميز


وشهادة أعتز بها والله


والله يحفظكم

[al-sary]

صح لسان الشاعر
لاهنت

[مبارك مقين]

الساااااري


صـــــــــــــح بدنك

وتسلــــــــــــــم على التعليق والمرور الطيب


والله يحفظك