..الحكي ما يهفي للأجـواد مثقـال........

[راعي مرات]

أتمنى أن تروق لذائقتكم الشعرية.....

يامن يدير الفكر يمـي وصوبـي=ياخذ معي من كيف الأجواد فنجال
همٍ بصدري شب فينـي شبوبـي؟! =مايبرده ..ياكـود.. بدعـي للامثـال
أذرى إلى هبت علـي الهبوبـي=والرزق عند الرب علام الآجـال
ماني غشيمٍ في المواجيب دوبـي=أبـا أتعلمهـا سواليـف جهـال
يممت في الدنيا شمـال وجنوبـي=بقعى تغنيبي علـى كـل مـوال
أمشي بفكري وأتوجـس دروبـي=رقيت بدروبٍ عسيرات وطـوال
والناس لو تحكي وتأكل جنوبـي=الحكي ما يهفي للأجـواد مثقـال
أويق فـي صدري واطالع عيوبي=أخاف يشناني مـن النـاس عذال
ناس لهـم حشمه وهم مادرو بي!! =لا واحسايف ..كيـف ذاك الغلى زال؟!
داسو جميع العرف ما حسبوبـي=واقفيت في فالٍ وهم مثـل فـي فال
خطرٍ أمزع مـن عنا الوقت ثوبي=لامن ذكرت إني لهم ستـر وظلال
والصاحب إللي عشرته ماتروبـي=يصير فـي دنياك همٍ وغـربـال
وترى العتب بين القرايب يذوبـي=رفيقنا لاحتاج نرضيه فـي الحال
نتعب على شأنه ..ونرخي الجيوبي=ونقوم بالواجب ولا نغلي المال
وصلاة ربي عـد رمل الخبوبي=على النبي وإعـداد ماهـل همال

راعي مرات

عبدالرحمن بن عبدالله المجلي السبيعي

[خيَّال الغلباء]

المشاركة الأصلية كتبت بواسطة راعي مرات

أتمنى أن تروق لذائقتكم الشعرية.....

يا من يدير الفكر يمـي وصوبـي=ياخذ معي من كيف الأجواد فنجال
همٍ بصدري شب فينـي شبوبـي؟! =ما يبرده يا كـود بدعـي للامثـال
أذرى إلى هبت علـي الهبوبـي=والرزق عند الرب علام الآجـال
ماني غشيمٍ في المواجيب دوبـي=أبـا أتعلمهـا سواليـف جهـال
يممت في الدنيا شمـال وجنوبـي=بقعى تغنيبي علـى كـل مـوال
أمشي بفكري وأتوجـس دروبـي=رقيت بدروبٍ عسيرات وطـوال
والناس لو تحكي وتأكل جنوبـي=الحكي ما يهفي للأجـواد مثقـال
أويق فـي صدري وأطالع عيوبي=أخاف يشناني مـن النـاس عذال
ناس لهـم حشمه وهم ما دروا بي!! =لا واحسايف كيـف ذاك الغلى زال؟!
داسوا جميع العرف ما حسبوبـي=وأقفيت في فالٍ وهم مثـل فـي فال
خطرٍ أمزع مـن عنا الوقت ثوبي=لا من ذكرت إني لهم ستـر واظلال
والصاحب إللي عشرته ما تروبـي=يصير فـي دنياك همٍ وغـربـال
وترى العتب بين القرايب يذوبـي=رفيقنا لاحتاج نرضيه فـي الحال
نتعب على شأنه ونرخي الجيوبي=ونقوم بالواجب ولا نغلي المال
وصلاة ربي عـد رمل الخبوبي=على النبي وإعـداد ما هـل همال

راعي مرات

عبدالرحمن بن عبدالله المجلي السبيعي

أخي الكريم الشاعر الجزل / عبدالرحمن بن عبدالله المجلي السبيعي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة المعبرة لما تحتويه من مثايل وحكم جزلة وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم والحكمة ضالة المؤمن أينما وجدها فهو أولى بها والشعر الشعور هو الذي يحرك المشاعر ويهز الوجدان ويجعل الشاعر والسامع يتهيض والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

[al-sary]

بارك الله بك , شكراً أخي الكريم

[البحيح]

والناس لو تحكي وتأكـل جنوبـي
الحكي ما يهفـي للأجـواد مثقـال

رائع يابن مجلي

كل القصيده جزله ومن شاعر جزل

قرأت القصيده عدة مرات لم امل منها

بيض الله وجهك

[ماجد الشماسي]

صح لسانك

ونحن بانتظار جديدك

[جعد الوبر]

مشكور وما قصرت والله لا يهينك

[راعي مرات]

خيال لغلبا


ياعسى عمرك طيل


وافي......


لاهنت..... أعتز بكل حرف كتبت


دام عزك


مرورك أسعدني



بارك الله فيك

[ابومحمد القباني]

اخوي عبدالرحمن مهما قلت فلن اوفيك حقك
القصيدة جزلة من راس جزل
تستاهل كل خير ياعبدالرحمن وتشرف
بيض الله وجهك

[فراج آل ماضي]

صح لسانك ولاهنت على هذه المشاركة الاكثر من رائعه

[راعي مرات]

المشاركة الأصلية كتبت بواسطة al-sary

بارك الله بك , شكراً أخي الكريم

الساري


مرور أعتز به


بارك الله فيك



تحياتي