منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
الحمد لله عظيم الفضل والمنه = وباقي العرب مالهم فضل ٍ ولامني
تواردت شرّد افكاري لهن حنه =ورود زمل ٍ على الماء جالهن حني
أنا أشهد إن الشعر للهاجس الجنه= لولاه خطر ٍ اشق الثوب وانجني
متنفس ٍ للمشاعر صايب ٍ ضنه = وان ضن ضن ٍ ترى ضنه على ضني
اجيه زعلان مير يروق لي فنه=وارضيه وارضي جميع اذواقه بفني
ابطيت راكد وجرحي مابرى كنه=شق ٍ كبير وصاغر رقعته كني
واليوم لا والله المعبود لاسنه = سيف ٍ يسن ألسنت عدواننا سني
ماعاد عنها تغاضي ياولد زنه = دام انكشف وضعم لازنهم زني
قبحهم الله وقبح راعي الشنه = اللي للاقصين ماها يشنها شني
على حمار الخزى والهاينه عنه = وأنا على حصان راس المرجله عني
يضحك بوجهي وجوفه داخله ونه= لعل جوفه من ام نجوم ٍ يوني
مايدري إنه ذنب في نظرتي وإنه =عود ٍ طفا .. وإني النجم المنير اني
وهذه مجاراة الشاعر القدير / عايش بن هاضل ابوليل اللتي شرفني بها
إرسالة ٍ جت بجوالي لها رنه = وانا حريص ٍ على الجوال لارني
الصاحب اللي جمع هيله معى بنه = من طيب ساسه يحط الهيل والبني
سلم عليه السلام الوافي وثنه =وقله نسلم على شرواك ونثني
الورد والعود واليشموم له خنه = بين المطاليق يشفي الجرح لاخني
اليا جفاك الدهر رمح القنا دنه = لادندن الراس في يوم القشر دني
واللي يناسب ضميرك ياسمي غنه = نضحك قدم زمرة العدوان ونغني
الناس لو يجمعون اليورك مع ينه = من طوكيو عملة الياباني بليني
زيزوم مافيك لاونه ولاهنه = وانا نكرر لك الترحيب ونهني
عديت ياصاحبي في عالي القنه = وانا هجوسي مع الاحداث تتقني
كلا فعوله مع العالم يشوقنه = وانا فعولك ياصلب العود شاقني
واللي عزومه عن العليا يعوقنه = قله تراني عزومي مايعوقني
.
أنا ليا من جيت اسجل حضوري = أسجله في راس عالي المراقيب
أسجله فيما يناسب غروري = في موقع ٍ يرقابه الحر والذيب .!
أخي الكريم الفاضل الشاعر / عايش أبو ليل السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة والمعبرة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .