كنت اعمل في الرياض وانتقلت الى القصيم
وكان لي صديق وأبن عمٍ عزيز تربطني به علاقة قوية وصداقة حميمة
وبعد انتقالي فقدني عسى ما يفقدغالي وانتم
وارسل لي هذه القصيده يتهمني ظلماً وبهتانا بالتقصير والسلوى وعدم التواصل معه
يقول أخي وصديقي الشاعر/ عبد الله بن فهد الدغيم السبيعي
انا احسب ان فهيد ياله علينا=واثر القصيمي دالهٍ في قصيمه
لو هو سلى عنَا ترى ماسلينا=نطريه دايم بالعلوم الحشيمه
هو مادرى عنَا ليا من نوينا=نقدر نرده فالبريد القديمه
دنياه لو زانت تراها تشينا=العمر يفنى والليالي مقيمه
رجلٍ بلا ربعٍ يشوف الغبينا=يشوف عقب العز ذل وهظيمه
عقب البطا يافهيد يمَك عنينا=شلنا على اللي فالمماشي هميمه
معنا سيوفٍ تصتقل في يدينا=حاسينها لاهل الغدر والظليمه
بنشوف وش علمك ورى ماتجينا=هات الحقايق والنوايا سليمه
عطنا جوابك ياطويل اليمينا=هات المعاني يوم جتك الوسيمه
واقبل سلامي عدَ وبل الغشينا=واعداد ما يسكب من الغيم ديمه
ورديت عليه بهذه القصيده
وجاني الرجال وجيته وزانت الامور ولله الحمد
يابوفهد عن شخصكم ماسلينا=ولك عندنا حشمه وقدرٍ وقيمه
وان كان جاء تقصير حقك علينا=وخبري بنفسك ياالسنافي حليمه
ماوصلت اسيوفٍ ومدة إيدينا=الوصل واجب والنوايا سيمه
اكتب لنا وعنون كتابك يجينا=وان جيتنا عاني لك اجر وغنيمه
وقولة هلا وفنجال وكبشٍ سمينا=وعين أفرشه وعينٍ عن الشمس غيمه
لوكان داري ابعيد لامانسينا=ربعٍ غلاهم وسط قلبي ابصميمه
احب ذكراهم وماضي السنينا=ويابو فهد ماني قصيمي بقصيمه
من لابتك غلباء سبيع اعتلينا=من فوق روسٍ دنقت للهزيمه
نرفع رفيع وطايح اضه وطينا=صلفين رفقينٍ ضلالٍ وديمه
هذي مبادينا كبارٍبدينا=وادعي الولي عز الرفاقه يديمه
غير متصل
