قصيدة مدح بشيخ القواســــــــم مع قبيلة الظفيـــر

[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة في مدح شيخ القواسم مع الظفير الشيخ / نايف اّل شبرم بن عفيصان وفقه الله وحفظه وقد وجدتها في أحد المنتديات مهملة القائل فصح لسان قائلها وسلم نبضه وبنانه وإعتلا شانه وفيها يقول الشاعر :-

ياللي تنشدني تبي من قصيدي=وأنا قصدت وقلت بالشيخ نايف
الشيخ ولد الشيخ طبعه فريدي=يا ما نقل عن لابته من كلايف
نقّاض فتّال الحبال السديدي=الحرالأشقر فوق روس النوايف
له مخلبن جارح وخصمه يهيدي=يا كثر صيداته بجرد الحتايف
شيخ القواسم ناطحين العنيدي =تاريخهم يشهد بسبع الطوايف
يا أبو شناتي جعل عمرك يزيدي =يا شيخ سامحني مثل منت شايف
أنظر إببيتك يالظفيري وحيدي =والناس تدري فرقتها الوظايف
والهرج كثره يا رجل ما يفيدي =يا مارثة شبرم ذرا كل خايف
يتلونه طماح ضد الضديدي=على ظهور الخيل مثل القذايف
يرسون باليوم الكبير الشديدي =وسم (ن) على كبد المعادي مسايف
إخوان صبحا يوم حقه بالأيدي=يروون حد مصقلات الرهايف
فكاكة الخلفات لا جاء الزنيدي =لو اجموع القوم امرودفات الردايف
لا قام ينخا للعضيد العضيدي=والبيض يوم (ن) جادعات الكدايف
الله يقطع واحد (ن) هربديدي =وأهل الردا والطيب ما هم ولايف
والموت ندريبه بحبل الوريدي=ودنياك هذي ما عليها حسايف
مدحت ربعي وسمحوا بالحميدي=الكامل الله كاملين الوصايف
ولا بد من يوم ايسولف جديدي=ولا فيه غازي ما حسب للكلايف
عليك يا محيي العظام الهميدي=نرجيك لا لفوا علينا اللفايف
تحت اللحد يشهد علينا الشهيدي=وإليا احرقونا بالدموع الذرايف

هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .

[جعد الوبر]

مشكور وما قصرت ولا هنت

[خيَّال الغلباء]

جعد الوبر جزاك الله خيراً ولا هنت

[منسم الحفيات]

مشكور وما قصرت ولا هنت

[خيَّال الغلباء]

منسم الحفيات جزاك الله خيراً ولا هنت

[خيّال العرفا]

مشكور وما قصرت ولا هنت

[خيَّال الغلباء]

خيال العرفا جزاك الله خيراً ولا هنت