كل اناء بما فيه ينضح
ياقلبي ياللي توصل العشـق حـده
من لايودك وش تبـى بـه تـوده
ماعـاد لـك يـم المقفيـن لـده
واللي نسيك انسه ولاتلتفـت فيـه
احفـظ سنينـك لاتضيـع عددهـا
لابـد باقـي لـك سنسـن بعدهـا
قال المثل من عز روحـه وجدهـا
هذا الكلام اللي مع النـاس نوحيـه
نوحيه من من يوم العصور القديمه
واللي يبيعك بيعـه باخـس قيمـه
من لايشوفك خيـر ماهـو غنيمـه
جرب وكل انـا ينضـح بمـا فيـه
ولاعاد تامن من ضحك لك بسنّـه
البيض غـدارات مـن يـوم هنّـه
والعشق كلـه نـار مافيـه جنّـه
يانار واللي يقـرب النـار تكويـه
وقـال قلـبـي لاتـعـذّل علـيـه
انت السبب وانته زمـام الخطيـه
واليوم انا مشبـوك شبكـه قويـه
اشكي على الطير المسافر وأوصيه
اقول اخـذ علمـي لخلـي وهاتـه
خلـه يعلمنـا بقـصـة حيـاتـه
ياليتنـا نقـدر نسـوي سـواتـه
مادامت انه نـاوي الهجـر ناويـه
قلت انت ياقلبي عروقـك جريحـه
وإمصنجـه ماتستمـع فالنصيحـه
وانته سببك من العيـون المليحـه
اللي تبا ترسل لـه الطيـر ترميـه
ياقلب وطيور الهـوا فـي سماهـا
ياليتهـا تقـدر تكافـح هـواهـا
وانت ابن أدم كيـف تفهـم لغاهـا
والطير من يفهم جوابـه يلاغيـه
قال الطيـور إلهـا بخلـي علاقـه
الصقر عينـه والغرينبـق ساقـه
وله من الهدهـد جنـاح الصداقـه
ومن الحمامه صوتها اللـي تغنيـه
علـى الغصـون الليّنـه ياحمامـه
ذكرتـي القلـب المولـع غرامـه
الله يجيـب اصحابنـا بالسـلامـه
حنّـا نقـول ياحمامـه وقولـيـه
ان كان وانـك ياحمامـه حزينـه
واني على مولوفـك اللـي تبينـه
وأهني محبوبـك يجيـك وتجينـه
وانا حبيبـي لايجينـي ولا اجيـه
ياونتـي ونـة ضلـوع الـهـلال
عودٍ قصر شوفـه وماتـوا عيالـه
تزهد من الدنيا ليـا شفـت حالـه
قاصر جداً عما يصيبـه ويخطيـه
والا كما ونـت صويـب النشامـا
عاشوا عياله عقب راسـه يتامـا
له ونـةٍ تصحـي قلـوب النيامـا
ونّت وفاته يوم ربـي دعـا فيـه
أكـن ثـم أون مـن حـر مابـي
وانت طعين الرمح حـد النصابـي
واغيب ياأرباب الهواء عن صوابي
بالخص يوم اسمع مع الناس طاريه
يامابنـا مـار الظـروف اتحدانـا
وانته وانـا نبكـي وزايـد بكانـا
نبكي علي اللي راح يبكـي علانـا
بالعيـن يبكينـا وبالعيـن نبكيـه
على اللي اقفوا والمدافـع تهامـل
مثل العرق في القاظ من صدر عامل
ويغض صوته مثل صوت الانامـل
لاودي اشوفـه ولاودي أوحـيـه
قالـوا تمنـا قلـت يالله تجيـبـه
الحب بلـوى والفـراق المصيبـه
مايونس المخطر يقع من كوي بـه
يامخطراً في داخل القلـب تكويـه
عن الحبيب اللـي يوافـق مراقـي
والله ماهيـان عـلـيّ الفـراقـي
لو هان عندي كسر فخذي وساقـي
الساق يلقـى لـه طبيـب يداويـه
وان كان وانك ياحمامـه تعرفيـن
واذا رسلتك له برسلـه تروحيـن
لآربط لك المكتوب بين الجناحيـن
واشكي عليه الحال والحال شفتيـه
الشاعرعبد الله المسعودي رحمة الله
منقول
غير متصل
