يا مرووووووووووووووووووووووووووض

[بحر الشوق]

الردي يا مروض ما اتوحى كلامه=....عندي الكحل ابا اعمي عين جده وغاله
العدى ناضع اعلا روسهم فالقمامه((تكرم لحاكم))=...هذا رد الرجل لا جاه علم الثعاله

[مروّض]

حياك الله...يا بحر الشوق

و استلم طال عمرك...

السفيه ان لقيته خاطبه بالسلامه=لو تعامله باسلوبه تزيده جهاله
كل شيخ تقي يفرض عليك احترامه=و الردي لو يغني طبلته راس ماله

و سلمت...

[بحر الشوق]

السفيه ان تمادى اتوطا حزامه=...نردعه ثم يتوب عن الردى والنذاله
اشهد انك صدقت واخذ من علامه=..والخبل يحسب ان الدار داره لحاله

[مروّض]

الليله رزقني الله بلحيه غانمه...سمح لي بجهازه...

و اسمحوا لي على التأخير...أحسب أني مثل الصباح..

ليا تركت النت...أقدر أرجع له بسهوله...

البعير ان كبر حمله تردّى سنامه=لو رفع راس خشمه ما يغطي خماله
شوف مكسب زمانك لا تجي بك غشامه=لا تقدّا برجل(ن) قاصرات حباله

بانتظار محاصيلك يا عميلي..

[بحر الشوق]

البعير انفرد عن سير ذيك الجهامه....ماهو قد الحمل يا اخوي لباس شاله
اللذي يكتسب بحساب ربعه رخامه....تذكر مقيط ويا رشاه ويا محاله

[مروّض]

ما شاء الله عليك...

عجل على اللعب...بارك الله فيك..

عادتي لا مشيت الصف أعدل نظامه=ما أتنكّد من الرّجّال لا ضاق باله
ما طمعت بشراب الورع ولا طعامه=عزّني ربي اللي زادني من حلاله

هدأ بالك...و أخذ راحتك..

[بحر الشوق]

اعتن اعتن بصفك وانتبه للعمامه=..والامر كم رجلٍ ما قدر امتثاله
هو عنده طعام مير يشحذ ودامه=..كم صبيٍ مضرى بالردى والجهاله

[smart]

بحر الشووووق


مرووووض


الله لايهينكم على هذا الطاااروووق الجميل



لكم تحيااااااااااااتي

[بحر الشوق]

ولا يهينك يا اسمارت
واشكرك على المرور

[طويق]

حلوتن بالحيل بس فيها ملاحظات قصدي تلحيطات