دبكه وربكه ياحياة المخاسير . ( البرتقاله )

[أبو عبدالعزيز]

أعجبتني هذه القصيدة . نقلتها عن محمد فراج من منتدي النداوي ونقلها من أحد المنتديات لاحد الشعراء

الله يجـازي فاعـل الخيـر بالخيـر --------------------- عنّـا وفـعـل الـشـرّ يبـعـد مجـالـه

ويكتـب لنـا الخيـره بحكـم المقاديـر -------------------- ويزيـدنـا فــوق القنـاعـه جمـالـه

الصبر مفتاح الفرج والتباشيـر --------------------- كـم صابـر ٍ والصبـر فـوق احتمالـه

لو تآآكـل الزلّـه سمـان المعاذيـر -------------------- العـذر عـن بعـض الخطايـا جهالـه

العمـر مقفـي والمنايـا مناحـيـر --------------------- وأحوالـنـا مابـيـن حـالـه .. وحـالـه

قام التطوّر ينفض الريش ويطير ------------------- ويضفي على روس الخلايق ظلالـه

يا كبرها يا اهل الوجيه المسافير ------------------ ( صلوّا على محمد وصحبـه وآآلـه )

وعسـوّاا مابيـن الذاهبـه والمداويـر ------------------- العلـم الأبيـض مــا نــدوّر بـدالـه

أبـدي بهـا مـن بـاب حشمـه وتقديـر ------------------- وأن عـوّدت مالـي عليكـم وكالـه

أدخـل علـى المعبـود يـا وارد البيـر ------------------ لا تلتـوي بـيـن الـرشـا والمحـالـه

عرب طرب مثّـر بهـا الغـرب تأثيـر ------------------ ترقـص علـى التلفـاز يـا همّلالـه

راحت عوايدهم سـوات الاساطيـر ------------------ يـا ساتـر الشايـب وفاضـح عيالـه ؟

مـن نقـرة الطبلـه ودقّ المزاميـر ------------------- طـاح الحصـان اللـي طـوال ٍ حبالـه

والبرتقالـه غيـر والفاكـهـه غـيـر ------------------- يقولـهـا الـلـي يعـصـر البرتقـاااالـه

عصيرهـا حالـي ولا لـه محاذيـر ------------------- لا صـار مسـبـوق ٍ بلـفـظ الجـلالـه

يـا كثـر مـا صاحـت عليهـا الجماهيـر ----------------- يـا رابـط المجنـون مالـك ومـالـه

بـث الغرايـز حـي والقصـد تعزيـر ----------------- وأم الخلاخـل داخـلـه مــن خـلالـه

فيديو كليـب ذنـوب فكـره وتصويـر ------------------ طـوّح بنـاب الذيـب قـرن الغزالـه

دبكـه وربكـه يـا حيـاة المخاسيـر ------------------ ودايـم ضعيـف العـقـل هــذا مجـالـه

يوم المشاهد ثار والمشهد مثيـر ------------------- صومـع علـى الشاشـه ونكّـس عقالـه

عرض اللحم بين العيـون المطاييـر ----------------- يخسـر بـه اللـي حافـظ ٍ راس مالـه

سياسـة التشويـق مـن غيـر تبريـر ----------------- دفـع العمولـه .. واستـلام العمـالـه ؟

الله يبـارك فيـك يـا سالـم الزيـر ------------------ دوّر لـهـن صـرفـه وغـرفـه وصـالـه

لا أمسيّت تلحفهن خشوم الدنانير --------------- ولا أصبحت سرّّحهن على اقرب زباله ‍

للعلـم مدلولـه .. وللحلـم تفسيـر ---------------- وللـطـاق طـربـق طــاق وللـقـرم طـالـه

والـلـوح حــظ المطـرقـه والمسامـيـر ---------------- وبـكـره يـسـمّـر ويتـعـلـقّ لـحـالـه

لومـي علـى نسـل الـرجـال المناعـيـر --------------- وألاّ الحثـالـه مــن سـلايـل حثـالـه




وشكرأ للجميع

[ابن جـــــــراح]

ابو عبدالعزيز
سلمت يمينك على نقلها
وصح لسان قايلها
اختيار اكثر من رائع يا ابو عبدالعزيز
لك كل تقديري

اخوك بن جراح

[ابن مشعب]

عز الله انها جزله


واشكرك يابو عبد العزيز على نقلك الرائع



وصح لسانك ولسان قايلها

[أبو عبدالعزيز]

أخواني ابن جـراح و ابن مشـعب
أشكركم كل الشكر على مروركم ولاهنتم أخواني

[smart]

تسلم يمينك اخي أبو عبدالعزيز

احسنت الاختيااااااااار قصيده راااااائعه

وصح الله لساااان شاااعرها


واسمحلي على نقلها الى قسم الشعر

لك مني أجمل تحيه

[طير حوران]

قصيـــــــده جداً رائعه يا بو عبد العزيز

بيض الله وجهك

[عضو قديم]

صح لسانك ولسان قايلها

[ابن شطيط]

قصيده رائعه اخوي ابو عبد العزيز

صح لسان قايلها وسلمت يمناك اخوي

هدفها جميل ...!!

التحيه لك ...