يتعب صبي عينها مالحق تاليها

[خالد السهلي]

السلام عليكم ورحمة الله

للتواصل

هذه المتواضعة

اقفت شهد والشهد من بين اشافيها=بالموت الاحمر مكحلةٍ محاجرها
يتعب صبي عينها مالحق تاليها=من وسعها جفونها كنها تخدرها
بنتٍ تعلك الدلع والزين مطغيها=لاسلهمت والهمت بالقيل شاعرها
لاواهني من يحط يديه بيديها=على سرايره تخبره بسرايرها
هي منوة الروح لوتلحق تمانيها=منيّتي. منوتي.تقدر ولا اقدرها
عشر سنواتٍ وقلبي في مخابيها=ولادرت درّتي باللي يدورها
لاواهني المعافى من بلاويها=مازينت دونه بقلبه خناصرها
ماهيب يمه.وهو يمته اراضيها=الطفلة اللي رمت به من عثايرها
بنت تقاطر حلا والرب حاليها=وكن الحيا قام يقطر بين اظافرها
بزرٍ على العشر والخمس بمباديها=تو النواهد مفتّقةٍ زرايرها
ثقيلٍ وقوفها.عجلٍ تراكيها=وبالشعر تلحق ردايفها نثايرها
سبيب شقرا تنومس من يصاغيها=وانا اشهد ان المخاطر من تمخطرها
ماتدري ان الحلا اللي ينذكر..فيها=ربي على الزين والاداب فاطرها

[smart]

صح الله لسااااااانك ملاااايييييين



جزله جزله من شااعر الجزاااله خاااااالد السهلي

تقبل تحيااااااااااااتي

[ابن شطيط]

الله الله

يابو غنااام

جزل وشاعر الجزاله

ابدعت في هي القصيده اخذتنا معك في بحر الجمال والابداع

كلماتي فيك مجروحه

لاكن ما اقول بالرائعه الا

لاواهني المعافـى مـن بلاويهـا
.................مازينت دونـه بقلبـه خناصرهـا


تحياتي لك ياشااااعرالسهول

عساك بخير وسلامه

[ابن مشعب]

لاهنت يالسهلي على هالدرة


وبيض الله وجهك ونبي المزيد من روائعك



ابن مشعب