قصيده قويه في مهايطية البل ؟!

[مشاش الخيل]

يهني من هو بعارينه يسلنه ؟؟؟



يهني من هـــو بعـــارينه يســـلنه = يطرد وراهــــــا وكنه محتم التـــالي
والاســبقهــــا وهن بالدرب يقفنه = ومسجله فــوق راس الجيب ويلالي
مع شلته والمواتر جـــــالها رنه = وكلــن يهيل المــدايح دق وجــــلالي
ويشب نار المنـــاره تالي الكنه = والناس بالقيض زاد أشعالها أشعالي
حط له بشـــت(ن)ذواليقه يتلنه = له شمسة(ن)سعرها وسط البلد غالي
وحطوه بين الاشده وأكتمل فنه = وســـاقــوا عليه الــدلال بكل فنجـــالي
وكل(ن)يهايط ويحرق هيله وبنه = شيخ الكـــــرم منزله للناس مدهالي
وقدم صواني بها القعدان مستنه = وطـلـيانهــا حـــولهـــا والرز منهالي
وصاروا جدوده هل التاريخ والمنه = لاصار في البنك له دولار وريالي
وجمــع شعــاعيره ومـــواله يدنه = ومن كل شاعر يجي شيله وموالي
وصارت قناة الفضا لاجله يذيعنه = منقيــه الشيـخ (طبل) مزبن الجالي
ماهوب مثلي ديون البنك يصلنه = القســط يصلاه صليات اشهب اللالي
ياوقتــنا اللـي تقلب واعتلى شنه = والطـيب عود على سكبات الازوالي
مخـــابر الطــيب مازالت لها رنه = ومخـــابر المـــال تال الوقت تنزالي
والشك مايلحق اهل الطيب لكنه = يمرض قلوب بنت مجد(ن)على الجالي

للشاعر : صقــر الصقــر

[خالد الشماسي]

قويه

صح لسان الشاعر وتسلم على النقل

لكن الشاعر لم يستثني الرجال الذين يحتفظون بالابل منذ القدم وهي ورث لهم ولجدانهم

وحموها يوم الجاهلية ويحتفظون بها حتى مع دخول المدنية

فالتعميم غير مناسب ... لكن بكل تاكيد هو يقصد البدو " الجدد "

[ابومحمد11]

لاهنت يامشاش الخيل على النقل
ولو اني ناقلها هنا قبلك لاكن مايضر هههههههه
تحاياي

[مشاش الخيل]

المشاركة الأصلية كتبت بواسطة خالد الشماسي

قويه

صح لسان الشاعر وتسلم على النقل

لكن الشاعر لم يستثني الرجال الذين يحتفظون بالابل منذ القدم وهي ورث لهم ولجدانهم

وحموها يوم الجاهلية ويحتفظون بها حتى مع دخول المدنية

فالتعميم غير مناسب ... لكن بكل تاكيد هو يقصد البدو " الجدد "

خالد الشماسي

تسلم يالغالي و لكن اعتقد آخر بيت في القصيده يرد على ماذكرته من ملاحظاتك يالغالي

والشك مايلحق أهل الطيب لكنه ### يمرض قلوب(ن)بنت مجد(ن)على الجالي

[المـــعنــــــآ]

مشكوووووور والله يعطيك الف عافيه

[المنجنيق]

بكل صراحه قصيده واقعيه وتسلسل جميل في صياغة الموضوع
والمال يغير من ليس لديه الثقه في نفسه فيحاول يضهر لناس من إي اتجاه مطبق بذلك قول المثل الشعبي
(الله يضهر رأسي ولو بشينه)
قصـــيده رائعه من مبدع رائــــــــع

[راعي الهدايا]

شكرا لك