قصيدة في الشهم : ناصربن عبدالله القرواني السبيعي

[سقيفة بني ساعدة]

قم يانـديـبي فوق زاهي الحناتـيـر=بيضا على متن الخطرمستـذيــره
من دارنا تقفي ســواة المسافــيــر=متنحــــره دار الوجيـه السفـيـره
اوصل وصاتي ثـم رد التبــاشـير=واحـمل سلامي يم راس العشــيره
اللي وقــف وقفة فهود مساعــيـر=ومن دونها يمشي فجوج خطـيـره
شيخ كريم من ســـلالة مـــناعيـر=اللي حـمى جاله ولو هي عسـيـره
ليث العـرين اللي صمد للعواسير=واهل الحسد واهل الوجيه الغبيره
يومه تــــولاهـــا بحسن التدابيــر=مع لابـة كل ســـيـوفــه شطــيـره
على العـــدا ســم ونــار وتساعيـر=ولأهل الوفا زهر تطايـر عبـيــره
مايرتضون الظلـم واهل العواثير=تحكيـمهم بالحق في حسن ســيـره
فزعة رجال بالملاقــا ســــــوابير=وهم الى دارت رحاهـا سعــيـــره
لاهـانـوا اللي شاركوهم مناصيــر=اهـل الشهامة جابرين الكسيــــره
قل له تــرانا ننتظر للمـــســاييــر=أهل الوفـا والحزم واهل البريــره
هـذا وصلى الله خـتـام التعــابيــر=على الرسول اللي بعث بالجـزيره

[ابوخالدي]

كفو والله يستاهل ابوعبدالله حامي حماها قيدوم آل خزيم ولا يهونون البقية من قرابته حيث انهم فريس وعيال فريس
وشكرا على القصيدة المعبرة

[هل من تلاف]

يستاهل ابوعبدالله
وهومديح من دونها
ولاهنت يابوخالد

[سقيفة بني ساعدة]

المشاركة الأصلية كتبت بواسطة هل من تلاف

يستاهل ابوعبدالله
وهومديح من دونها
ولاهنت يابوخالد

مشكور يابوابراهيم ولاعليك زود