بسم الله الرحمن الرحيم
الشاعر/مناحي بن فالح الموتر يرثي الشيخ المرحوم بإذن الله/محمد
بن تركي السبيعي .القصيدة موجهه لمناحي بن محمد وإخوانه
ياشين علمٍ يا مناحي سمعناه &&& عز الله إنه يامناحي يروعي
مات الرفيق الي ترانا فقدناه &&& وقامت من العبرة تنثر الدموعي
والي بكيتو يامناحي بكيناه &&& نبكي ولد تركي حسين الطبوعي
جار ونسيب وإليا بغيناه لقيناه &&& ولا شفت أنا بيته تحطم الضلوعي
مرحوم يا ألي تفعل الطيب يمناه &&& ولاهُب من غلطات ربعه جزوعي
سهلٍ جنابه للرفاقة ومنجاه &&& وفرعٍ ورى كل الرجال الفروعي
وحلفت أنا لو طول الوقت ما أنساه &&& ماني بعزامن جزومن قطوعي
كم مرةٍ جاء للكرامة وجيناه &&& في كل يومٍ وبالشهر والسبوعي
واليوم راح وليتنا ماعرفناه &&& والناس عندي كن مافيه دوعي
والله يصبرنا على كل بلواه &&& من مات راح ولايجيله رجوعي
والموت حق وجنة الخلد مثواه &&& بأمر الإله اللي يهدم الجموعي
صح لسانك
غير متصل
الشاعر/مناحي بن فالح الموتر يرثي الشيخ المرحوم بإذن الله/ محمد بن تركي ابن غضيان
