السلام عليكم وبعد :
الشاعر الكبير ناجي بن سعد الصندلي السبيعي من الشعراء الكبار مواليد 1358هـ , عُرف بتوظيفه للمفردات النادرة في قصائده , ومن ذلك هذه القصيدة التي أقدمها لكم يقول فيها :
رعى الله رجمٍ ربع الأحباب قاسمه
وطاه الزمان ولا بقى إلا مراسمه
تقافن عليه أحداث الأيام واندثر
عليه غراب البين بالنحس واسمه
لحا الله يوم فرّق الشمل بينّا
ولحا الله دارٍ عقب الأحباب عاسمه
تخيلت بيتٍ للسديري محمد
تقول فيها ساعة الحشر حاسمه
ألا ياربوع الدار وراكِ هكذا
وأنتِ من أول للمحبين باسمه
ورا الدار ماتبكي على حيّها الذي
تقافت ضعونه محمل البين قاسمه
هذي منازلهم وهذي ربوعهم
صحصاح دوٍّ دارساتٍ مواسمه
وقّفْت فيها لين فاضت مدامعي
وقلبي تقول بشاطر الحد جاسمه
تذكرت من ذكرى خيالة بهاجسي
دايم على رمّانة القلب راسمه
لابارك الله منزله وادي الغضا
وفراق من كن البرد في مباسمه
عسى الأيام تجمع حيّ بحيّهم
واشوف من شوفه لجرحي بلاسمه
ألوب في داجي دجا الليل وانتحب
كما لاب منهو غاسق الناب طاسمه
قريت سيرة قيس لاعاد غرّني
وعجزت أحلل يابونايف طلاسمه
غديت كالمنجوم في داجي الدجى
في صحصحٍ قفرٍ تعاوى خراسمه
لايقتدي بالنجم ولا يعرف الوطن
درويش حجّاج كبارٍ طراسمه
فاخت طريق القوم وأخطى دليلهم
في تختخٍ وشموس الأسناع غاسمه
تم الجواب وتم نضمه ولا بقى
إلا الهدف واضح وأنا كنت راسمه
تحياتي لكم
غير متصل
