قصة واقعية حصلت في ليلة الدخله

[فهيد الغربي]

قصة واقعية حصلت في ليلة الدخله

اليكم القصه ..

شاب راح يخطب وحده وتمت الموافقة على الخطبة ومن ثم الزواج المهم وش اللي

صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد

على الجوال ويدور الحوار التالي :

الزوج : الووووو

المتصل : السلام عليك، كيف حالك يا (فلان) و ألف ألف مبروك

الزوج : وعليكم السلام وينكم يا انذال ماحضرتوا الحفل يا تعبانين

المتصل : والله تعطلت علينا السياره في الخط وحنا جايين عندكم ووصلنا

وسألنا عنك قالوا انك رحت مع المدام والحين حنا راجعين الديره

((طبعاً الديرة تبعد حوالي 300 كم))

الزوج : المهم تعشيتوا

المتصل : لا والله

الزوج : كم عددكم ؟

المتصل : عشرة

الزوج : اقولك (حرام وطلاق عشاكم الليلة عندي) قل تم

المتصل : يا ابن الحلال مايصير انت عريس جد و.. و..

المهم مافيه فايده الزوج مصر الا يتعشون عنده

الزوج : يالله انا انتظركم مع السلامه

وقفل الخط

الزوجه المسكينه ما هي مصدقه اللي سواه زوجها ليلة الدخلة ثم قال

يافلانه انا رايح السوق وراجع ((على بالها يبي يجيب عشاء جاهز))

بعد ربع ساعه رجع الزوج ومعه اغراض العشاء

قالت: الزوجه وش ذا

قال: الله يسلمك قومي سوي العشاء لزملاي في العمل جايين من بعيد ولا تعشوا

،،،وفي أثناء الحوار،،، وإن الباب يدق

قال : هم ذولا وصلوا يالله همه يا مره وراح عند ربعه يقهويهم

المهم المسكينه في المطبخ تقطع البصل والطماط بفستان الزفاف وعيونها تدمع

وتقول في نفسها ( بكره بأرجع عند اهلي من الفجر واطلب الطلاق) المسكينه

سوت العشاء وتعشوا وراحوا لديرتهم المسكينه متضايقه

والمفاجأة ... ؟؟؟؟؟؟؟؟؟؟

/
\
/
\
/
\
/
\
\
/
\
/
\
/
\
/
\
/
\
/
\
/
\
يدخل زوجها عليها ويرمي لها (50000) خمسين ألف ريال قال هذا حقك!!!

قالت : وشوا حقه

قال: الرهان اللي بيني وبين زملاي العشرة على كل واحد
(5000) بأنك تطبخين ليلة الدخلة

[مناحي المجمعي]

هههههههههههههه
الصراحه ممتازه ورائعه

[سعودي ذهبي]

ههههههه

الله يسعدك لاكن لو تغير عنوان الموضوع لانها ماهي قصه واقعيه

[عرين الفهد]

ضحكتنا اول شي وادهشتنا بالاخير شكرا لك لاتحرمنا من جديدك

[مدينة العيون]

ضحكتنا اول شي وادهشتنا بالاخير شكرا لك لاتحرمنا من جديدك

[فهيد الغربي]

هلا وغلا

*مناحي المجمعي *
* سعودي ذهبي *
* عرين الفهد *
* مدينة العيون *

واسعدني مروركم