منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
الأ يا وجودي وجد عوداً على المعكاز=حدته الظروف ومع الأجانيب متلزي
أنا ويش اسوي في زماناً لنا ماجاز=زماناً يشيب صاحي الفكر ويقزي
نهوزه بهاماتاً قويه ولا ينهاز=لو إنا نهوز طويق من فعلنا أهتزي
بدأ الشيب فينا ما تحقق هدف وإنجاز=وأنا كل يوماً في رجا الحظ يعتزي
لعب بي زماني لعبة رياضة الجنباز=ولا ألوم قلبي من عنى الوقت لا فزي
تقلب ليالينا مثل شاشة التلفاز=وبعضها تجز عروق قلب الفتى جزي
أبا أشكي على شيخاً بكل المراجل فاز=سلايل سلاطيناً تكز العدأ كزي
وش الحل يا ريف المشاكيل ما يعتاز=من الرأس ما ندز المراسيل لك دزي
الشاعر / ناصر فراج الفاغوم السبيعي
اللي يخالف مزاجي ما تقدابه
طبيعتي والليالي ما تغيرني
التعديل الأخير تم بواسطة عاشق الباديه ; 06 - 03 - 2011 الساعة 21:49
الشاعر / عايض فرزان السبيعي يرد على قصيدة ناصر فراج الفاغوم السبيعي
هلا مرحبا برسالتاً جت على حرف آز=كتبها خبيراً قزها يمنا قزي
كتبها وفيها ولع النار هي والقاز=وبالغصب مشاها على الآز والأزي
وجتني سريعه قطر بندق على معناز=وأنا قدها في ساعة الحز واللزي
رساله معانيها ثقيله ولا تنراز=غريبه ومعلوق الحشى هزته هزي
وأنا من بعدها كن في ضامري هزاز=أفكر على مركاي لا الصبح مرتزي
بعد ما قريت حروفها داخل الجهاز=كلام الرساله حز في خاطري حزي
من اللي شرح لي عن ظروف الزمن بإيجاز=عن أهل الردأ ودروب الأنذال متوزي
يجيب الجواهر وأطيب الزل من شيراز= أهنيه وأهبي على أبليس وآخزي
عزيزاً علي ومن جدوداً علي عزاز=هل الطيب والناموس والجود والعزي
على النعم دون مجامله كل منهم حاز=بعدهم على دنيا الفنى طز ثم طزي
تقافا ضعنهم راعي النوق والمعاز= وأنا لا لقيت رسومهم قلت وآعزي
وثارت هجوسي ثورة النار وسط الغاز=ولبستها من خيرة الجوخ والبزي
على شان تبقى مثل هداج في النكاز=مع الوقت جمه يرتفع فوق وينزي
تجيني على ما ريد في وضعها الممتاز=وترتيبها كامل ولا هوب متجزي
كما صف طابوراً عطاه المدرب عاز=ينفذ الأمر ما فيه مازح ومتهزي
اللي يخالف مزاجي ما تقدابه
طبيعتي والليالي ما تغيرني
التعديل الأخير تم بواسطة عاشق الباديه ; 07 - 03 - 2011 الساعة 07:50
غير متصل
