|
قصيدة لشاعر/ مسلط عبدالله الجهمي السبيعي
كُتب : [ 24 - 03 - 2011 ]
سقى الله لابرق برق الربيع وسالـت الوديـان= وشفنا باذره مثل الـزوال الخضـر منشـوره
متى عيني تشوف النبت مثل الزرع فالبستـان= ومتى عيني تشوف الأرض عقب الوقت معموره
يازين المشي فالنبت الخضر لازافت الريضـان=يفوح بها الشمطري والفياض الخضر ممطوره
اليا قامت تساقيه العشايـا بامـرت الرحمـان=تفوقله القلوب اللـي بحـب البـر مسحـوره
اليا جاء غب وليه قام يقبس زاهـر الحـوذان=ليا ساقه نسيم الصبح قامـت تلعـب اطيـوره
اليا كمل شهر وأسبوع قالـو شبعـت الذيـدان=وشفناهـا ترايـع فيـه والحيـران مقهـوره
ترا هذا ربيع القلـب ودواء علـت المرضـان=مزاجي شوفت البل في نبات العشب مسـروره
اليا شفنا بيوت البدو وسطه كنهـا الحيطـان=ترى هاذي طرات البر وبيـوت الشعـر نـوره
واليا صلو صلاة العصر ثـم التمـو الجيـران=وتلافو في محل الطيب اللـي ينوخـذ شـوره
يدور البن الاشقر والهروج اللي تدور اسمـان=ومجالسهم من اهل الكذب واهل الزورماجـوره
مجالـس طيبينـن يبعـدون الهـم والاحـزان=يسج بها الغريب اللي زمانـه شايلـن جـوره
سقى الله ثم سقى الله يوم نذكر ماضي الازمان=يومن البيت في بـرن تحوفـه كـل غنـدوره
اليا زل الربيع وحان وقت الصيـف والمقطـان=تلافو فـوق عـدن قطنتـه بالخيـر مذكـوره
على عدن صهاليجه قراحن تبهـج الضميـان=وخذو تسعين ليله فوق جال العـد والنشـوره
وقالو ياهل البل صـدرو وخذولكـم صمـلان=ترا معادبـه خبـرن مـع الريضـان منثـوره
وتمادو صوب مضمن ماينوشونه هل الغنمـان=مكانن مايجيـه الا الادامـي زينـت الصـوره
وزل القيض وسهيل اليمانـي يذكورنـه بـان=وراع الصيد في روس المبادي مـد ناضـوره
وجنـه سارحاتـن قايدتهـن قايـد الغـزلان=وشاف الصيد صيـاده وقـام يـراوز انحـوره
معه مسلوبتن لاعاودن خذها علـى الذرعـان=ماهيب الشوزل اللي بطنها ماغيـر ماصـوره
ولقفهن مثل ابويـه لاقفـن علقهـن الاكـوان=وطاح التيس والثاني وشاف العنـز مكسـوره
وياليت اللي مضى يرجع والو نشريه بالاثمـان=خساره يوم اسولفلي بشين راحـت اعصـوره
اعطرهـا وختمهـا بذكـر الله عظيـم الشـان=عساه يضلني ضله نهـار الخلـق محشـوره
|
غير متصل
