قصيده تبين بعض ماتميزت به قبيلة سبيع الغلبا

[حمود الحقي]

بسم الله الرحمن الرحيم

بديت بمـنزل الســـبع المثــــاني=الـــهً نعــــبده مــامعــه ثاني
عـــسى ربي يســـهل مانـــويته=ويهديني على الــحق هــدياني
فلا معــطي لـــيامنه منــــعني=ولامـــانع ليامــــنه عطـــــاني
يـــزين الشعر وتســـانع طــروقه=بدرٍ مـن محيــــطات المــــعاني
نشـــدني واحــدٍ يبـغى جــوابي=وجــاوبتــه بشــكري وامتنـاني
الا يــاناشــــد عنـــــي تــــراني=بميــــقاف الســـعد لازم تراني
من الحـــقي تـــوارثـــنا فـــخرنا=ويبــــقى فخرنا طــول الزماني
مــجامعـــتاً لنا مجـــدً يشـــرف=جمـيع سبيع خطلاني اليـماني
سبــيع اهل الوفا واهل الحــميه=لـــيا من صار للــقوم احـدياني
سبـــيع اهل الكرم ماهـي حكايا=قبــل يهوا الكرم قاصـي وداني
يــوم ان الـرجل يعجز دون قـوته=ماياكـــل لقمـــته حتى يــعاني
ولامـــنه لفا ضــــيف الذبيـــحه=ينـــبه عــــودة عشــره ثمـاني
ماهــو من بخـــل ميـر الفقر عيا=على توجيــب ضيفاً جـاه عاني
لكن حــنا ولامـــن قلـــت حـــنا=بيوت الشعر ماهيب تعــصاني
فعـــول اجدودنا ثـــروة حـكومه=تعـــز الراس وتطـــول لســاني
لو انــه وقـــتاً اقـــفى مالحـقته=لاكـــن تاريخــنا شــاهد عيـاني
لجا ضيـــف السعد جيعان خـاوي=قـــفا طب الخــوا حــيلٍ سماني
نقـــدم لــــه ثـــلاثً ميـــزتـنا=نقـــوم ابها ولـــو شح الزماني
لبـــن ناقه وفـــته مع ذبـــيحه=ثـــلاث ًمايقـــوم ابها الـهداني
تسمى البيض من ذيـك الليالي=على ثبـــتانها الطــيب يثـاني
كســبناها يــوم ان الوقت جافي=اجـــل وشلون يوم الوقـت زاني
وانا قبلي هـل الشعر اسبقوني=لاكن واجب قصــيدي ماعـــفاني
هـــل الردات والجـــذع المســما=نصـــون الـــجار ونعز العــواني
غلــــــبنا خصمنا والغالـب الله=هل الغـــلبا مخضــبت السناني
لنـــا في خيرة الــوديان ديـــره=شمـــالي شرقي ضهور السواني
جنـــوبي ديــرة الهيــلا عتيبه=وغــرب اعن الدواسر وقحــطاني
وغامد غـــربنا واحـــيان تجنب=وجنــوب الحد تغلب وشـهراني
حميـــناها من القوم القطــيعه=وعشـــنا وسطها مــثل الخواني
هـاذي وديــاننا الخــرمه ورنيه=وفالعـــارض ملكـــنا دار ثـــاني
خذينـــاها بســـلات الهـــنادي=وزرقــــات القـــنا والجـــبخـاني
ديــارٍ تمـــترح ماهيــــب ديره=حـــماها لايـــداس ولايــــهاني
عطيــتك نبـــذتاً تكفـــيك عـنا=عســــاك اتعيش يالحر العماني
وانا لامـــن ذكرة افعـول ربعي=مانقــــص في فـــلان وفي فـلاني
لاشـــك ان كل واحــد له فعوله=كيـــانه ماينــقص من كــياني
حــاشـــا لله ماســب القـــبايل=مـــدام اني بشـر والعمر فاني
واضـــن الشــــك بابه قافـلينه=ولا يلـــحق وسيـــعين البـطاني
اخـــاوي واحترم خطوا السنافي=من الاهـــواز والا مـــن عـماني
على وضح الــنقا وجه الصـداقه=ويلــــقاني لــــيا منـــه بغاني
ينـــعم لي ليـــامني كفــــيته=وانعـــم له ليـــامـنه كــــفاني
اغــض الطرف عن ثنتين واقصد=ضـــروف الوقت وضروف المكاني
اركـــز في مدى طيـــبه وديـنه=بعـــدها يعتبر خـــيرة خـواني
يطــول القول لو حاولت الخـص=مــداي ابعيد والساني حصاني
والا ياسامــعي عنـدي نصــيحه=بـعــد ما داعي الـواجب دعاني
ابا اختـّــم بها بيـت القصيده=واعـــطرها بــريح الزعـــفراني
ترا الاحـــلام فالـــواقع تـحقق=بقـــو العزم ماهـو بالامـــاني
فـــنا اوصيـــك في قو العزيمه=تفـــوز الخيل والفـــارق ثواني

حمود بن قاسي السبيعي

[خالد الشماسي]

صح لساااااااااااااانك ملا يين

كلها درر يا ابو قاسي يعجز المختار فيها


كفو يا ابو قاسي ومن لابة كفو

[سمح آلمحيآ]

@!@ << منذهل في طولها

ماشاءالله تبارك الرحمن

صح السانك يالحقي

قصيدة جزززززززززله ومطنوخه

[حمود الحقي]

المشاركة الأصلية كتبت بواسطة خالد الشماسي

صح لساااااااااااااانك ملا يين

كلها درر يا ابو قاسي يعجز المختار فيها


كفو يا ابو قاسي ومن لابة كفو

صح بدنك يابو عمر..

هذا من ذوقك الرفيع طال عمرك..

واقل مانقدم لقبيلتنا..

ماعليك زود والف شكر على المرور المشرف...

تحياتي

[حمود الحقي]

المشاركة الأصلية كتبت بواسطة سمح آلمحيآ

@!@ << منذهل في طولها

ماشاءالله تبارك الرحمن

صح السانك يالحقي

قصيدة جزززززززززله ومطنوخه

اخوي سمح آلمحيآ..

صح بدنك ...

انت الجزل ومرورك شرّف القصيده وراعيها..


تحياتي لك..

[ال ح ك ي م]

اغض الطرف عن ثنتين واقصد=ضروف الوقت وضروف المكاني
اركز في مدى طيبه ودينه=بعدها يعتبر خيرة خواني

ابوقاسي

صح لساااااااااانك واعتلا شاااااااانك

شاعر متمكن وجزل وكفيت وفيت

وضوف
وين (ر)
عدل كانه يمديك

تحياتي

[حمود الحقي]

المشاركة الأصلية كتبت بواسطة ال ح ك ي م

اغض الطرف عن ثنتين واقصد=ضروف الوقت وضروف المكاني
اركز في مدى طيبه ودينه=بعدها يعتبر خيرة خواني

ابوقاسي

صح لساااااااااانك واعتلا شاااااااانك

شاعر متمكن وجزل وكفيت وفيت

وضوف
وين (ر)
عدل كانه يمديك

تحياتي

اخوي الحكيم...

صح بدنك واشكرك على الاطرا..

وشهادتك تاج على راسي...

تم تعديل الخطا الاملائي وبيض الله وجهك...

تحياتي لك

[أبو حاتم محمد]

ترا الاحـــلام فالـــواقع تـحقق=بقـــو العزم ماهـو بالامـــاني
فـــنا اوصيـــك في قو العزيمه=تفـــوز الخيل والفـــارق ثواني
بارك الله فيك
وصح لسانك

[حمود الحقي]

المشاركة الأصلية كتبت بواسطة أبو حاتم محمد

ترا الاحـــلام فالـــواقع تـحقق=بقـــو العزم ماهـو بالامـــاني
فـــنا اوصيـــك في قو العزيمه=تفـــوز الخيل والفـــارق ثواني
بارك الله فيك
وصح لسانك

اخي / ابو حاتم محمد..

صح بدنك ..

والله يجزاك خير على كلامك الطيب..

اسعدني وشرفني مرورك..

تحياتي

[إبراهيم سعد]

ترا الاحلام فالواقع تحقق=بقو العزم ماهو بالاماني
فنا اوصيك في قو العزيمه=تفوز الخيل والفارق ثـواني

ابوقاسي

صح والله لسااااانك

ابداع غير مستغرب كا عادتك

تحياتي لك