مراسلة بيني وبين الشاعر / دلمخ بن مشعي السبيعي

[الحميدي السويدي]

بسم الله الرحمن الرحيم

أخواني أعضاء وزوّار هذا المنتدى الشامخ أطرح بين أيديكم هذه المراسلة بيني وبين الشاعر المبدع / دلمخ بن مشعي السبيعي,,,,,,,,,,,,,,
( الـمـرجـلـه عـادتـك )
هـذه الـقـصـيـدة مهداه للـشـاعـر المبدع / دلـمـخ بـن مـشـعـي الـسـبـيـعـي

مـلـيــون مـبــروك يـا دلــمـخ ومــا شــاء الله=عـلـى الـذي جــيــتــبـــه مـــع وقـــت الآذانــي
جــبـْـتــه مـن الـعـاصـمـة يــا حـي ذا الـطـلـّـه=فـكـسـار مــا فـيـــه مـثــلـه فـي الـبـلــد ثـانــي
فــكــســـــار مَـــنْ مــرّبـُـه لابــُــد يــفــطــلـّــه=جــديــد مـن شـركــتــه والـصُـنــع يــابـــانــي
تــصــمــيــم كـُـفـّـــار لا مــذهـــب ولا مــلـّـــه=أمـصـمــمــيــنــه تـــرى عُــبـّــاد الأوثــــانــي
عـلـى الـطــراز الـحــديــث ومــن وكــيــلـلـّــه=وكـــيــلــه الـبــازعـي مـن وســـط عُــمــــاني
أنـا أشهــد أنــك عـلـى الـفــكـسـار كـفـو ٍ ألـّـه=يـلـيـــق وتـلـيـــق بـــه يــا طـيـــر حــــورانـي
الـمــرجــلــه عـــادتــك والــطــيــب تــبـــذلـّـه=جـهــدك ومـالـك تــرى مـا هــوب يـخـــفــانـي
والـيــوم جــهــزْ لـنــا الـفــكــســـار بـنــتــِلـّـه=صوب الـغـظـي صاحـبـي مـدعـوج الأعـيـانـي
عـنـد الـغـظـي نـشــرب الـفـنــجــال مـن دلـّــه=مــن دلـــة أصـويـحـبــي مـانـيـــب روْيـــانـي
بـالــهــيــــل والــزعــفــــران أدّاوي الــعــلـّـه=يــا زيــن فــنــجــالـهــا لا جـيــت شـفــقـــانـي
الـصــاحــب اللـي تــرى بـالحـيــل شـفــقــلـّـه=شـفـــقٍ لــشـــوفــه لــكــن الــوقـــت مـازانـي
وقــتـي صعــيــب عَـلـيْ وســيــفـــه أيــسـلـّـه=فـي كــل يـــــوم يـسـل الـسـيــف شـامـــا نــي
وأزريـــت أقــــاوم هــمـوم جـــات مـنــهـــلـّـه=غــداء لـهـا فـي الحـشــا تـسـعـيـن مـيـــدانـي
الـصـاحـب اللـي مــعــالــيــق الـحــشـــا تــلـّـه=تــلـّت غـُـــروبٍ عـلـى الـمـحّــــال والـســانـي
تــلــه ولا نــيــب داري كـــيــــف بـــوصــلـّــه=مــن دونـهــا يـا بـن مـشـعـي كـل شـيـطـــاني
أنــا أشـهـــد أنــه خــلــيـــل لـي وأنــا خِـــلـّـه=لــكـن عـيـّـو عـلــيـهــا أطــــوال الإيــمــــانـي
عــيــّـو وقـــالــوا تــرى مـنــتــب قـــريـبــلـّـه=مــا عــاد نــبـغــا نـشـوفــك عـنــدنـا عــــانـي
وحــلـــفــت مـا مــر بــيـــت الــزيـــن وازلـّـه=لــو كـان مـن دونـهــا بـا شــوف عُــــزرانــي
دامـــه مــعــي صـــادق والــقــلـب مـحــتــلـّـه=صـادق ومخـلـص مـعـي مـا هــوب خـــوّانـي
والــمــوت لازم يـجــي الــرجــــال فـي حــلـّـه=وآجــالــنــا بــِيــد عـــالـــم يـــوم الإنـســـانـي
أنـــت الخـــوي والـــردي مـا نــي خـــويــلـّـه=خــلـه عـلـى مـــوتـــره ويـــروح حـــرمــانـي
خــلـــه يـــروّح عــســـا يــمــنـــاه مـنـشــلـّـه=مـا هــوب ضـاري بـفـعـل الـطـيــب تــربــانـي
لا جـــاء لــزومـك لـيــهــو رايح مـع الـشـلـّـه=ويــقـــول أنـا مـــواعـــــد أفــــلان وأفـــلانـي
الــلآش مـــا يـنـــفــــعــــك لــوك رفــيــقــلـّـه=مـا هــوب يـنــفــع عــســاه أفــداك كــذبــانـي
والا أنـت قــــرمٍ طـريــق الــطـيــب تــنــد لـّـه=ساسك من أهـل الوفـاء اللي يـقـظي الـشـانـي
واخـتــامـهــا الـمـســك والـعـنــبــر مع فـُـلـّـه=مــن شـــاعــٍر يـنــظــم أبـيــوتــه بـِمِـيــزانــي

الشاعـر / الحميدي بن سعـد السبيعي

أهــلاً هــلا يـالـحـمـيــدي والـشـعـــر كــله=أعــــداد مــا هــل مـــزن الـصــيــف ودانــي
يـا مـن حـمــيـد الـسـجــايـا عــنـده أجـبـلـه=زيـّنـت خـيـل الـقـصــيــد بـسـرج وعــنـانـي
أفــــز للــطــيـّـب اللـي مــثـلـك أرضـــًا لــه=وارخـص عـلـى شـانـه الـغـالـي لـيـا جـانـي
والله لـو آطـــا بــرجــلـيـنــي عـلـى الـمـلـه=وأغـضــب على شـانـك الأ قـصـيـن والـداني
يـا لازمـــك لـو يــطـول الـــدرب لا صــلــه=حـشــمــه وخـدمــه ومـا جــوبٍ وعـرفـانــي
يـمـنــاي مـا نـي مـضـريـهـــا عـلـى الـذلـه=سـلـم عـلـى عـصـر أبـوي وعـصـر جـدانـي
أركــب على الـبـاب الأيـمـن والـردي خـلـه=مــا هـو خــويّـي ولا أفــرح بـه لـيــا جـانـي
لا أحـتـرّت الـشـمـس قـــام يــدور الـظـلــه=ولـيـــا بــــــدا لازمــي قـــــفـــــا وخـــلانــي
نـبـي نــســيـّـر ومـحــبــو بــك نـــدور لــه=مــا عـنــدنـــا فــي كـــلام فـــلان وفـــلانــي
والـعــود الأشـهـب لـعـل الـمـوت يـشـتـلـه=نــرضـيـه بـالـحــال كـان الـعــود طـمـعــانـي
مـا عـنــدنـا فـي الـثــمـن كــثــره ولا قـلــه=مــــادام عــــذره يـــــدوّر زود الأثـــمــــانـي
وان كــا نـهــــا بــالـعــنــاد نــرد للــســلــه=الـحـــمــــد لله مـــا حــــنـــــا بـــــــذ لا نـــي
أمــا لـقــيـــنــاه حـــول الـبـيــت والـحــلــه=وألا لـقـــيـــنــــاه فــي الـمـيــعـــاد ولـهـانـي
وليـا فــرش لـك لـطــيـف الـروح مـن زلـه=فـي ســاعــة راح فـيـهـــا الـهــم نـســيـانـي
تـصـبـح شــرايـيـنــك الـيـبـــاس مـبـتــلــه=وترْوي ضـمـاك الـقـديـم بـسـتـر واحـسـانـي
يـا زيـن حــذف الـحـطـب فـي فـيّـة الصلـه=والــروض فـيــه الـنـبــات أشـكـال والــوانـي
وخــــوة خـــويٍ لـيــا خــــا ويــتــه يـدلــه=يـضـحـك حـجـاجـه ويـبـعـد عـنـك الأحـزانـي
يــا مــا حـــلا صـبـــّت الـفـنـجــال لا زلــه=يـجـلـى عـمـس خـاطرك لا صرت عمسـانـي
والله أنْ مــســيــرك تـحــت نــو ٍ مـرفـاً لـه=فـي مــرقــم كـل روضٍ فــيــــه مــلــيـــانـي
آلا انـّـه أطــيـب مــن الـمـقـعـــاد بـالـفــلــه=لـو كـان جــــدرانــهـــا لــؤلــؤ ومــرجــانـي
هـــذي طــــراة الـفـتـــا مــــادام بـــاق ٍلــه=عــمـر يـعــيــشـــه وعـــافــيـــةٍ بـالأبــدانـي
سج الـقـدم في فـيـافي الأرض أحـسـن لــه=مــن مـقــعـــد بـيــن نـســـوانٍ وور عـــانـي
وعرائـس الشـعـر من غـنـا لـهـن جـن لــه=يــعــزف عـلـى ذوقـهــنـه عـذب الالـحــانـي
اتــرك دقــا قـــه وادوّر واتـــعـــب لـجـِـلــه=مــا نـركــب الـمــوج غــيــر أنــدوّر الـدانـي
أن طــــاع ولا فــنـــــا مـــا نــيــب ربٍ لــه=هـــذا اجــتــهــادي وهـــذي قـُــدرة لـســانـي
واسـوق عـذري عن الـتـقـصـيـر والخـلــه=الـكــامــل الله وطــبــع الـنــاس نـقــصـــانـي
وصــلاة ربـي عـلـى الـهــادي رســول الله=مــــا لاح بـــرق ٍوهـــلــت غـُــر الامــــزانـي

الـشـاعـر / دلـمـخ بـن مـشـعـي الـسـبـيـعـي

[smart]

صووووت وصدى قمة لاهنت

قصااائد رااائعه جدأ


بيض الله وجيهكم ياااالااااثنين



تحيتي

[قطري]

قصااائد رااائعه جدأ


بيض الله وجيهكم ياااالااااثنين

[عيسى السبيعي]

صح الله لسانكم كلكم

قصايد رائعه

تحياتي

[البدر]

صووووت وصدى قمة

صح لسانك يالحميدي وصح لسان الشااااعر دلمخ ملاييين

وبيض الله وجيهكم ياااالااااثنين ...

اخوك البدر

[الحميدي السويدي]

الأخ / سمارت

صح بدنك والله لايهينك

يالقرم,,,,,,,,

[الحميدي السويدي]

الاخ / قطري صح بدنك يالقرم

والله لايهينك

وتقبل تحياتي,,,,,,,,,

[خالد الشماسي]

كفو يالحميد وكفو دلمخ


مراسلات غاية في الإبداع والجزالة



شكرا لك اخي الحميدي على نشر هذه القصائد الجميلة

[غريب]

الله الله الله

صح لسانكم يا شعار أبيات قمه وكلمات جزله لا هنت أخي الحميدي على نقلك.

لك مني ارق تحيه

[الحميدي السويدي]

الاخ / الواسطة والبدر وأبوعمر

وغريب صحت ألسنتكم جميعاً والله


لايهنكم وشهادتكم فخر لي


أعتز به تقبلوا تحياتي ,,,,,,,