الليل يامسفح،،،وينك ?!

[المتوهج]

تفضل يامسفح مع التحيه لك
ولكل القرّاء الكرام
،،،،
،،،
،،

الليل يامسفح قبل يسري الليل=أقرب نبي نسري على الجدي وسهيل
ماغيرك احدن في البلد يوفي الكيل=والضاميه تارد على جم هداج

يامسفح خلها خلها فوق النجوم=لين نعرف صادر القوم من ورادها
انت عندك علم وانّا نبي منك العلوم=والعلوم الطيبه مايميل شدادها

[مسفح]

يسمع مسفح كلمتك يالمنادي=والليل توه توه الليل بادي
يالفارس اللي ضارين بالطرادي=والضاميه تارد علـى جـم هـداج

ادري ان الناس فالوقت معطى ومحروم=ناس شبعانه وناسٍ قليلٍ زادها
الحرار الشقر فالجو لا قامت تحوم = من لقاء له صيدة ٍ بالمخالب صادها

[المسالم]

المتوهج ------------------- مسفح


لا هنتوا واصلو والطاروق ممتاز



وانا متابعين

[المتوهج]

سوالف الاجواد قامت تعاقب=لاراح منك معاقبٍ جاء معاقب
مادام مافوق الموظف مراقب=الضاميه تارد على جم هداج

اثر بعض اصحابنا مايعرفون السلوم=عادها في غيها يامسفح عادها
مالقيت اللي صبورٍ على لفح السموم=عالمٍ بذت خفايه بكثر جهادها

[مسفح]

لاصار ما فالحمض احد وش علينا=حنا على روس الجبال اعتلينا
والويل للي يمسكنه يدينا=الضاميه تارد على جم هـداج

الدعاوي مالها الا قويين العزوم = علم اللي يبغي الدله وبرادها
سولف الله لايهينك ترا الامر محسوم= السريه كلها حاشرين افرادها

[المتوهج]

استلم يامسفح
،،
،

حنا بخير ولاعلينا خلافي=واللي قدم ماهيب ترجع خلافي
مير البلا في راس مطلق وشافي=والضاميه تارد على جم هداج

كل طايح حظ لعل حظه مايقوم=لو تعزوى به هل الطايله مافادها
السريه فوقها هل همال الغيوم=وغرقت وانّا قطعنا جميع مدادها

[smart]

شعاااااااااار كباااااااااار ماااااااافيها كلاااااااااام



المتوووووووووهج ----- مسفــــــــــــــــــح



واصلوا واصلوا



وحنا متااااابعين للنهااااايه


تقبلوا تحيااااااااااااااااتي

[مشعاب]

متوهج ______________ مسفح


ابداع ______×_______إبداع




واصلو :)

[مسفح]

السالفه ماهيب تحتاج تحليل=السالفه صارت ياشقرا مع الخيل
كلٍ يغني له لحون ومواويل=والضاميه تارد على جم هـداج

عالمٍ لاوقفو مايسدون الزوم= عن طريق اهل المعرف يازين ابعادها
لو تجي وتروح في كل لليل وكل يوم=الكواكب ما وصلها سوى روادها

[مسفح]

المسالم


مرحبابك

واسعدنا مرورك

شكرا