اخسوا خسيتو يكبار اللغبيب..........؟

[ابن مشعب]

هذي القصيده لشاعر كبير بالسن وجد عقوق من اولااااااااده الثلاثه

لما زوجهم كلن راح مع زوجته وتركوه وحيد عاجز واسمه جحيش السرحاني حسب بعض المراجع

قال الـــــــــــــــذي يقرا بليا مكاتيب=ياللي تقرون العمى من عناكم
ياعيالي اللي تشرفون الــــــمراقيب=تريضوا لي واقصروا من خطاكم
خوذوا كلام الصـــــــدق مابه تكاذيب=مثل السند مضموم للي وراكم
ياعيال لا صــــــــــــرتوا ضيوف ومعازيب=ترى الكلام الزين ملحة قراكم
وتروا السبابه مـــــــــــن كبار العذاريب=وهرج البلايس مايطول لحاكم
المذهب الطيــــــب فهو مذهب الطيب =والمذهب الخايب يبور نساكم
ياعــــــــــــــــــيال ماسرحتكم باللواهيب=ياعيال ماعمر المعزب ولاكم
ياما توليت القبايل تــــــــــــــــــقل ذيب =من خوف لاينقص عليكم عشلكم
وياما شريت الســـــمن من عرض ماجيب=يفز قلبي يوم يبكي حداكم
وياما قطعت مــــــــــن الفيافي العباعيب=ندور من صيد البراري غداكم
ياعيال دوكم لحيـــــــــــــــتي كلها شيب=هذا زمان قعودنا في ذراكم
قمت اتوكا فوق عــــــــــــــــــوج المصاليب=عطوني القرضه جزى من جزاكم
لابد يوم عـــــــــــــــــــــاوي دوني والذيب=بالقبر ما افرق طيبكم مع رداكم
ماني بفا ضـــــــــــحكم بوسط الاجانيب =باعمالكم يدرون كل اقرباكم
لوكان تدرون الــــــــــــــردى والمغاليب=صرتوا مع المخلوق مثل خوياكم
خوالكم بالطيـــــــــــب تروي المغاليب=ولو تتبعون الجد محد(ن) شناكم
وش علمـــــــــكم ياتاركين المواجيب=حسبي عليكم هالردى وين جاكم
يالله عسى اعــــماركم شمسها تغيب=ويعتم قمركم ثم تظلم سماكم
ياعلكم في حامــــــــــــــــيات اللواهيب=ياللي على الوالد خبيثٍ لغاكم
شفت الجفا والحـــــــــــيف والغلب والريب=بضلوعكم لا بيض الله قراكم
اطلب عسى نساكم ماتحمل ولا تجيب=ولا احد من الوغدان يمشي وراكم
اخسوا خســــــــــــــــــيتوا ياكبار اللغابيب=اهبوا هبيتوا يقطع الله نماكم

[السيف]

سلمت يمينك على هذه القصيده الطيبه

والله ما لوم العود يوم سبهم وغنى فيهم

وغير هذي كثير من القصائد في عقوق الابناء لابائهم

مثل قول الشاعر

هذا شباب جا على المسليمين ذنوب @@@@@@ وقمنا ليا ولد الولد ما فؤحنابه

اعوذ بالله من العقوق

تحياتي

[عيسى السبيعي]

الأخ ابن مشعب

الف شكر على نقل هذه القصيده اللتي تحكي عتب الأب على ابنائه

نسأل الله ان يصلح لنا ولكم وللمسامين اجمعين الذريه وان يهدي ضالهم انه القادر على ذلك

تحياتي

[ابن مشعب]

مشكور يالواسطة على مرورك


وحياك الله يالسيف وجابك الله انا من زمان ادور هالقصيدة الي ذكرت منها البيت


هذا شباب جا على المسليمين ذنوب @@@@@@ وقمنا ليا ولد الولد ما فرحنابه

اتمنى ان توردها كامله