ياالقلب هيد وخل عنك الهواجيس

[المزيني]

ياالقلب هيد وخل عنك الهواجيس = أشوف تال الوقت يجيبها ازعاج
بين الضماير مثل شوك الدبابيس = والحي دايم يحتضن حزن واخـلاج
والدور هذا فيه كل العواكيس = طفـت مصابيحـه ولا يوجـد اسـراج
وهذا زمان الهيس هووالنحاحيس =أهل الوجيه اللي تشادي قفا الصاج
وبيض الوجيه محولين الملابيس= اليوم ساهجهم من الوقـت سهّـاج
واللي يبي يغيص قدام لا يقيس= يضيعله في ظلمـة تحـت الأمـواج
هو وين أنا وياس يالقطة غليس= دخلت مدخالي ولا أشـوف مخـراج
ذليت وظني ذلتي مابهابيس = أشوف لي مـع مطلـع القـوم منهـاج
مالك ومال حبال فيها لواليس = عنّز على مـولاك هـو وال الأفـراج
نركض ورى الدنيا والأرياق يبيس = تقفيبنا وتقبل كما الموج بالسـاج
ومن جت على كيفه يجيبه غطاريس = مايهمه ألايلمها وكـم الإنتـاج
ومحروم لويكدس المال تكديس = بينه وبين الخيـر حسـاد واسيـاج
واللي يقدس صاحب المال تقديس = مافيه خير وماسكن درب منعـاج
يبي ولايم محرجين العساعيس = والله هو اللي يعطي النـاس بهـاج
معناي أخفيته بعيد المراميس = ومفهومه الواضح كما الصبـح ينبـاج
هب النسيم اللي يشف الطعاميس=واللي انتحن تشوف من دونهن تـاج
ياقيس قم لمك متى تقوم ياقيس = أمك تناديلك علـى رووس الأبـراج
والماء تقطع مالقاله رواويس= النـاس فيهـا مـع كثرخيرهـا ادلاج
الخيرواجدوالحمـى قدمهـم ديـس =شرلبسلـه خيرتسعابـه أفـواج
شيء نشوفه شوف ماهو تلاميس =ولو تنشد الراعي عن رعايته ساج
بعض العذارا يامشت شالها إبليس =تفتنـك لوكنـت محـرم وحجـاج
هي وين أبوها نعنبوا ساسها الهيس=ماحط دون الموت قفـل ومـزلاج
وياللي قريت بطون كل القواميس =جيب القلم والبوك واللوح والـزاج
وانسخلنا بحروف ماهي طلاميس =يوم الفصاحة بطلـت كـل الأدراج
وشيخ جدوده ماتفك المحابيس =من عرض ربعه مابها عندي إحـراج
وأن عد َّ في فارس به عيال فريس =ماني بشايف فرق للفرق يحتـاج
والطِيب يبيله امصاله محاميس =واليا أنثنى عن واجبـه كـل هيبـاج
ويبي رجال يحتمون المتاريس =ترمي عشاء حومن بعرض السماء راج
والرِس لوروده يجيـب العواميـس =أيّـاه وأيّـا مـارد العـدّ هـداج
هداج تيمـاء اللـي مقامـه مقاويـس =تعاقـب غروبـه أدّرج أدّراج
والرجل يدرك بالضماير حواسيس =يشعربهـا ماينتظـر علـم هـراج
والمجلس اللي فيه ماله مجاليس =كنـه علـى نـار توهـج اتوهـاج
وادعو على اللي ينقلون المجابيس=منهم عسى مابه على الأرض دواج
ياجيتهم تبا الحقايق خواريس =بقلوبهـم نابـت مـن الحقـد خـراج
ويالله يامهبب هبوب النسانيس =ترسل عليهـم علـة مالهـا عـلاج
وبالله عطوني علوم العواسيس=عن السحاب اللي سرى يلعـج إلعـاج
أبي سوالف كاسبين النواميس =اعسوسكم وش حصلوا عقب الأمعـاج
وياذيب ياللي غاديلك هجاريس = قدمك اسباع اجياع ماقدمـك انعـاج
حنّا اليا طول اطراد الأشاويس= نضـرب برمحـن للصناديـق فجـاج

[محمد بن سلطان]

صح لسانك وسلمت يمناك اخوي ,,

قصيده جزله واكثر من رائعه ..

تقبل تحياتي ،،

اخوك
محمد بن سلطان الثوري

[عايش ابوليل]

اخوي الشاعر عبدالله المزيني صـــح لسانك واعتلا شآنك الحقيقه قصيده جزله

واكثر من رائعه .. لاهنت يابو عتيق وتواصلك المستمر اسعدنى واسعد عشاق الشعر.


تقبل تحياتي وتقديري