ها قد عدنا للمنتدى وسوف نبدا بطرح القصائد الجزله لكم كما عودناكم في السابق
ومانريد منكم الا بعض الردود لتزيد من عطاء الاعضاء وبالتفاعل نحقق الكثير
الأخوه جميعا في منتدى النداوي اليكم هذة القصيدة
عسى أن تحوز على أعجابكم ورضاكم وهذا هو الجديد من قول الشاعر محمد المغري
صلوا على النبي
ياوجودي يابو تركي كما وجد الكسير = يوم خلوه الأصاحيب بأرض المعركه
ما يشوف الا العدو والعزاوي والزحير = ما معه حيلة ولا حيل والموت ادركه
وجد حالي مثل وجده مع الوقت الأخير = يوم بعض من الرجاجيل ما فيه بركه
أن نخيته ما أنتخى وأن فزع ما فيه خير = أيترزز بس يذيك في كثر حركه
أكمه ما يفهم العلم والوضع الخطير = أكمه واللي يترجاه بالطيب أكمكه
من تشوفه يكره الكيف ويحب العصير = بيده اليمنى زقارة والبيسرى كعكه
ما يسرّك فالمخابر ولا يسر النظير = منطقه منطق مياعه وبالراس تنكه
مثل هذا ما يشرف عذيين الضمير = رجال راهين المواقف وبالعرف بركه
ما يخلون الخوي بيوم يحتاس المرير = اليا غدا للجمال الأجواد فالضيق عركه
يرتهي ذرب الفعايل على الحمل العسير = لو بدا بالوقت ميلات والصدر ضنكه
والله ان السيف يجزع من خشاب الجفير = لين برقاب المناعير توحي له صركه
والقطام أن طال سجنه وشاف الوقت غير = يكفخ بجنح الشهامه ويعذره شركه
والرخوم رخوم والهيس ما يصله أمير = والبحر ما عاف دره ولا عاف سمكه
والذيابه تجتلد والجعر يجعر جعير = وللمهام رجال ولا المراقص دنبكه
وللحمول جمال وأصل الجمل يهدر هدير = يوم تسمع للهملس صياح وصكصكه
وأنكر الأصوات يلعنك ياصوت الحمير = يوم يرفع صوته النحس والحق ما أدركه
والسملق يوم يلبس على الثوب الستير = شماغ بسام المسمى .. ويختار كبكه
والشكاله في رجال الشكاله ما تحير = هب ... يابعض الرجاجيل ياكثر زنكه
والرهى لو طيب الهيس ما ذل الفقير = والفقر لو جاور القرم طبعه ما تركه
أفهموها والمعاني لها ورد وصدير = يالله أنك لا تخلي على الحق شبكه
غير متصل
