قصيدة مهداة لشاعر الشعراء / عبدالعزيز الفراج

[هاجد صنيدح]

السلام عليكم


بمناسبة حصول شاعرنا عبدالعزيز الفراج على للقب شاعر الشعراء كتبت هذه الابيات

مبروك فوزك باللقب يابو سلمـان=فـوزك يجيـر بالفخـر للقبيلـه
شاعر وتستاهل ولك بالشعر شـان=ومركزك الاول غصب مافيك حيله
أخذتها غصبٍ على كـل زعـلان=ماجات حب خشـوم والا جميلـه
وأبوك قبلـك للمواقـف بليهـان=الحمـل دايـم لارتكالـه يشيلـه
ماتوصفه كل القصائـد والاوزان=ومهما نقـول بحـق مثلـه قليلـه
وحنا كسبنا بالرهن يومه أرهـان=واللـي تحـدى مثلنـا عزتيـلـه
هذه عوائد لابتي عبـر الازمـان=ماهيب ترضى غير راس الطويله
عزوة هل الغلبا الى ثـار دخـان=يومنهـا غـاره وسيـف وفتيلـه
الى أعتزينـا كـل شـيٍ لنـا لان=وعدونـا لامـن نوينـا نزيـلـه
تاريخنا يقـراء ويسمـع بـالاذان=وافعالنا من فضل ربـي جزيلـه
المجد نبحث عنه في كـل ميـدان=المجـد غيـره مانـدور بديـلـه
واليوم ساعة حمد وبخيـر وامـان=في ضل حكام الوطـن والفضيلـه

[وافي السبـيعي]

صح لسانك ويستاهل ابو سلمان

لك اطب تحيه

وتقبل مروري

[فـــالح السبيعي]

عزوة هل الغلبا الى ثـار دخـان=يومنها غـاره وسيـف وفتيلـه
الى أعتزينا كـل شـيٍ لنـا لان=وعدونـا لامـن نوينـا نزيلـه

صح لساااانك يابوصنيدح

ويستاهل أبو أحمد

[عـقيـد الـقـوم]

صح لسانك يبو صنيدح


و عبد العزيز عز الله كفو لأسم شاعر العـرب فهو خير من يمثّل هذا الوطن بعد ان سمعنا درره الرائعه عبر شاعر الشعراء فاستحق ان يسمّى بشاعــــر الـعـــــرب

.. تحياتي ..

[عبيد ابو شيبه]

يستاهل ابو سلمان اعذب القصايد واجزلها ومشكور
اخوي هاجد على هذه القصيده

[ابوسلطــــان]

بيض الله وجهك أخوي هاجد قصيدة جزلة


ويستاهل ابوسلمان أجمل القصيد وأجزله

[يســ الصمت ــود]

بيض الله وجهك ياهاجد

ابو سلمان


يستحق كل الخير والمدح

وانت تفعل وهو يستاهل

[راعي مرات]

بارك الله فيك ياهاجد



أبدعت وصح لسانك


ويستاهل الشاعر عبدالعزيز الفراج

[راقي المعالي]

سود الله وجه ياهاجد قصيدة جزلة

[راقي المعالي]

رد علي